ఇస్లామాబాద్, ఫిబ్రవరి 9: ఉగ్రవాదాన్ని అరికట్టాలంటే తమ దేశానికి, ఆఫ్ఘాన్‌కు మధ్య వివాదాస్పదంగావున్న సరిహద్దుకు కంచె వేయాల్సిందేనని పాకిస్తాన్ స్పష్టం చేసింది. అయితే ఇందుకయ్యే ఖర్చును అమెరికా భరించాలని కూడా మెలిక పెట్టింది. ఆఫ్ఘాన్, పాక్‌ల మధ్య దాదాపు 2340 కిలోమీటర్ల మేర పర్వతమయమైన సరిహద్దు ప్రాంతం ఉంది. ఆర్థికపరమైన ఇబ్బందుల కారణంగా ఇప్పటి వరకూ పది శాతం కూడా కంచె నిర్మాణం పూర్తికాలేదు.

వాషింగ్టన్, ఫిబ్రవరి 8: పాకిస్తాన్ కేంద్రంగా పనిచేస్తున్న ఉగ్రవాద సంస్థలపై డొనాల్డ్ ట్రంప్ సర్కార్ కొరడా ఝళిపించింది. లష్కరే తోయిబా, తాలిబన్ మిలిటెంట్ సంస్థలకు చెందిన ముగ్గురు తీవ్రవాదులను అంతర్జాతీయ ఉగ్రవాదులుగా ప్రకటిస్తూ గురువారం కీలక నిర్ణయం తీసుకుంది. ప్రమాదకరమైన వ్యక్తులకు, సంస్థలకు ఏ విధంగానూ ఆశ్రయం ఇవ్వొద్దని పాకిస్తాన్‌కు తెగేసి చెప్పింది.

ఢాకా, ఫిబ్రవరి 8: బంగ్లాదేశ్ మాజీ ప్రధాని ఖలీదా జియాకు గట్టి ఎదురుదెబ్బ తగిలింది. దేశానికి మూడుసార్లు ప్రధానిగా సేవలందించిన 72 సంవత్సరాల ప్రస్తుత ప్రతిపక్ష నాయకురాలు ఖలీదాపై దాఖలైన ఒక కేసులో ఆమె అవినీతికి పాల్పడ్డారని నిర్ధారిస్తూ ఐదేళ్ల కఠిన కారాగార శిక్షను ప్రత్యేక న్యాయస్థానం విధించింది. దీనివల్ల ఈ ఏడాది డిసెంబర్‌లో జరగనున్న ఎన్నికల్లో ఆమె పోటీ చేసే అవకాశం కోల్పోయినట్టే.

న్యూయార్క్, ఫిబ్రవరి 7: ఐక్యరాజ్య సమితి భద్రతా మండలి నిర్వహణ తీరులో పారదర్శకత లోపించిందని భారత్ ధ్వజమెత్తింది. ముఖ్యంగా వీటో అధికారం కలిగిన దేశాలు వ్యవహరిస్తున్న తీరు ఎంతమాత్రం సమంజసంగా లేదని పేర్కొంది. ఎలాంటి కారణం లేకుండా ఉగ్రవాదులకు సంబంధించి ఈ దేశాలు వ్యవహరిస్తున్నాయని చైనాను పరోక్షంగా దుయ్యబడుతూ భారత్ చురకలు వేసింది.