జ్ఞానమనగా తెలివి. ముఖ్యంగా మోక్ష సంబంధమైన విషయము తెలుసుకొను బుద్ధి. ఇది తెలిసికొన్నవారు ‘జ్ఞాత’. శ్రద్ధగలవాడు, జ్ఞానమునందాసక్తిగలవాడు, ఇంద్రియ నిగ్రహము కలవాడు జ్ఞానము పొందును. జ్ఞానము పొందిన తర్వాత అనతికాలములోనే శాంతిని పొందగలడని భగవానుడు గీతలో తెలియజేశాడు.

అన్ని జన్మలకంటే మానవ జన్మ ఉన్నతమైనది. ఈ మానవ జీవితంలో మానవులు సాధించాల్సిన పురుషార్థములు నాలుగు ఉన్నాయని పెద్దలు చెపుతుంటారు. పెద్దల మాట సద్దిమూటలాంటిదిగదా! ఈ చతుర్విధ పురుషార్థములే ధర్మం, అర్థం, కామం, మోక్షం. చతుర్విధ పురుషార్థములు పూలుగా పూచిన పుణ్య భారతదేశం మనది. భారతదేశం అనేక రంగాలలో అభివృద్ధి సాధించిన విధంగానే ఆధ్యాత్మిక రంగంలో కూడా మహోన్నతంగా ఎదిగింది.

ఉన్నది ఒక్కటే. దృష్టిని బట్టి దృశ్యము పలురకాలుగా ఉంటుంది. సత్యం ఒక్కటే కాని విపులీకరించే విశే్లషించే విధానాలు పలురకాలు. సత్యా సత్యాలలోకాని, ధర్మాధర్మాలలో కాని వ్యత్యాసం లేశమాత్రమే ఉంటుంది. దాన్ని గుర్తించే నైపుణ్యం సాధారణ మానవులకు అంతగా ఉండదు. అందుకే మంచి త్రోవను చూపి, దైవం పట్ల ఆరాధనను, ధర్మం పట్ల, సత్యం పట్ల నిర్ధిష్టమైన దృష్టిని కలిగించడానికి సద్గురువు కావాల్సి ఉంటుంది.

ప్రతీ సంవత్సరం ఆషాఢ శుద్ధ ఏకాదశిని ‘తొలిఏకాదశి’గా అంటారు. పూర్వకాలమందు ఈ తొలి ఏకాదశితోనే సంవత్సర ప్రారంభంగా చూసేవారు. ఈ రోజును ‘శయన ఏకాదశి’ అని కూడా పిలుస్తారు.