హైదరాబాద్: తెలుగు రాష్ట్రాల్లో టీచర్ల నియామకాలపై సుప్రీంకోర్టు ఆదేశాలు జారీ చేసింది. ఫిబ్రవరి చివరిలోగా టీచర్ల నియామక ప్రక్రియను పూర్తి చేయాలని ఆదేశించింది. టీచర్ల నియామకాల్లో తీవ్ర జాప్యం జరుగుతోందని, గతంలో టీచర్ల ఖాళీలలకు సంబంధించి సుప్రీంకోర్టు ఇచ్చిన మార్గదర్శకాలు అమలుజరగడం లేదని దాఖలైన ఎస్‌ఎల్‌పీలను విచారించిన సర్వోన్నత న్యాయస్థానం ఈ మేరకు ఆదేశాలు ఇచ్చింది.

త్రిపురాంతకం, జనవరి 21: రోడ్డు ప్రమాదంలో ఓ యువకుడు మృతిచెందిన సంఘటన సోమవారం మండలంలోని చెందిన మేడపి గ్రామం వద్ద జరిగింది. పుల్లలచెరవు మండలం అదేయగూడెంకు చెందిన మంత్రయ్య (20) త్రిపురాంతకం నుండి మోటారుసైకిల్‌పై ఇంటికి వెళ్తుండగా మేడపి నుండి త్రిపురాంతకం వైపు వెళ్తున్న ఆటో తగిలింది. ఈ సంఘటనలో మంత్రయ్యకు గాయాలు కాగా 108 ద్వారా మెరుగైన వైద్యం కోసం తరలిస్తుండగా మార్గమధ్యంలో మృతిచెందాడు.

పాయకరావుపేట, జనవరి 21: మండలంలో పాల్మాన్‌పేటలో సోమవారం సముద్ర స్నానంకు వెళ్ళి ఒకరు మృతి చెందినట్లు ఎస్సై ఎల్.రామకృష్ణ తెలిపారు. పోలీసులు తెలిపిన వివరాలిలా ఉన్నాయి . తూర్పుగోదావరి జిల్లా తుని మండలం తాళ్ళూరుకు చెందిన అక్బర్ వల్లీ(27) సముద్రంలో స్నానం చేస్తుండగా కొట్టుకుపోవడంతో మృతి చెందినట్లు తెలిపారు. అక్బర్‌కు భార్య, ఒక కుమార్తె ఉన్నట్లు తెలిపారు.

విజయనగరం, జనవరి 22: అగ్ని సాక్షిగా జీవితాంతం తోడు ఉంటానని తాళికట్టిన భర్త క్షణికావేశంలో కాలయముడైన సంఘటన పట్టణంలో చోటు చేసుకుంది. పట్టణంలోని కలెక్టరేట్‌కు సమీపంలో కణపాకలోని అగురు వీధిలో నివసిస్తున్న శీల మారమ్మను (55) భర్త సన్యాసిరావు సోమవారం ఉదయం సుమారు 9.40 గంటల సమయంలో హతమార్చడంతో ఆమె అక్కడికక్కడే కుప్పకూలిపోయింది. చుట్టు పక్కన అందరు ఉంటుండగానే భర్త కత్తితో భార్యపై దాడికి పాల్పడ్డాడు.