రాఘవేంద్ర లారెన్స్, రితికా సింగ్ జంటగా ప్రముఖ దర్శకుడు పి.వాసు దర్శకత్వంలో అభిషేక్ ఫిలింస్ పతాకంపై రమేష్ పి.పిళ్లై నిర్మిస్తున్న చిత్రం ‘శివలింగా’. తమిళ, తెలుగు భాషల్లో రూపొందుతున్న ఈ సినిమాకు సంబంధించిన పాత్రికేయుల సమావేశం మంగళవారం హైదరాబాద్‌లో జరిగింది. దర్శకుడు పి.వాసు మాట్లాడుతూ- ‘పదేళ్ల క్రితం కన్నడంలో ఆప్తమిత్ర సినిమా తీశాను. అది పెద్ద హిట్ కావడంతో దానే్న చంద్రముఖి పేరుతో రీమేక్ చేశాను.

అత్యధిక వసూళ్లు సాధించిన చిత్రంగా మలయాళంలో రూపొందిన పులి మురుగన్ చిత్రం కలెక్షన్లలో రికార్డు సృష్టించింది. ప్రముఖ నటుడు మోహన్‌లాల్ హీరోగా నటించిన ఈ చిత్రానికి వైశాఖ్ దర్శకత్వం వహించాడు. దీన్ని శ్రీ సరస్వతీ ఫిలింస్ పతాకంపై మన్యం పులి పేరుతో తెలుగులో విడుదల చేస్తున్నారు. నిర్మాత సింధూరపువ్వు కృష్ణారెడ్డి. ఈ చిత్ర ట్రైలర్ ఆవిష్కరణ కార్యక్రమం హైదరాబాద్‌లో జరిగింది.

చేసింది రెండు మూడు సినిమాలు అయినాగానీ ప్రస్తుతం టాలీవుడ్‌లో కీర్తిసురేష్ గురించే మాట్లాడుకుంటున్నారు. పవన్‌కళ్యాణ్, మహేష్‌బాబు సరసన ఒకేసారి హీరోయిన్‌గా ఛాన్సులు కొట్టేయడంతో అందరి దృష్టీ కీర్తి సురేష్‌పై పడింది. పూర్తి బిజీలో వుంటూనే తన సినిమాలతో పరిశ్రమను ప్రేక్షకులను ఆకట్టుకుంటోంది. తాజాగా కీర్తి సురేష్ ‘నేను లోకల్’ అనే సినిమాకు సంబంధించిన షూటింగ్‌కు సంబంధించి హైదరాబాద్‌లో నటిస్తోంది.

చిరంజీవి, కాజల్ జంటగా వి.వి.వినాయక్ దర్శకత్వంలో కొణిజెల ప్రొడక్షన్స్ కంపెనీ పతాకంపై రామ్‌చరణ్, ఎ.సుభస్‌కరన్ రూపొందిస్తున్న చిత్రం ‘ఖైదీ నెం.150’. ఈ చిత్రానికి సంబంధించిన రెండు పాటలను యూరప్‌లో పూర్తిచేశారు. చిత్ర యూనిట్ తిరిగి భారతదేశానికి వచ్చింది.