తిరువనంతపురం, ఆగస్టు 21: వరదలు, భారీ వర్షాలతో అతలాకుతలమైన కేరళలో ప్రభుత్వం సహాయక చర్యలను ముమ్మరం చేసింది. రాష్ట్రాన్ని ఆదుకునేందుకు తక్షణమే రూ.2600 కోట్ల ఆర్థిక సాయం ప్రకటించాలని రాష్ట్ర ప్రభుత్వం కేంద్రాన్ని కోరింది. గత పది రోజుల్లో వరదల వల్ల మరణించిన వారి సంఖ్య 223 చేరుకుంది. దాదాపు పది లక్షల మంది ప్రజలు నిరాశ్రయులయ్యారు.

న్యూఢిల్లీ, ఆగస్టు 21: వరదలతో అతలాకుతలమైన కేరళలో అంటువ్యాధులు వ్యాపించినట్టు సమాచారం లేదని కేంద్ర ఆరోగ్య మంత్రి జేపీ నడ్డా స్పష్టం చేశారు. వరద తగ్గిన తరువాత వ్యాధులు ప్రబలకుండా ఉండేలా నేషనల్ సెంటర్ ఫర్ డిసీజ్ కంట్రోల్ (ఎన్‌సీడీసీ)ని అప్రమత్తం చేసినట్టు మంగళవారం ఇక్కడ వెల్లడించారు. గాలి, నీటి ద్వారా అంటురోగాలు వచ్చే ప్రమాదం ఉన్నందున రాష్ట్రానికి పూర్తి సహాయ, సహకారాలు అందిస్తామని ఆయన తెలిపారు.

కోల్‌కతా, ఆగస్టు 21: కేరళలోని తన ఇంట్లో దశాబ్దాల కాలం నుంచి భద్రపరుచుకుంటూ వస్తున్న పురాతన రికార్డులు, న్యూస్ పేపర్ క్లిప్పింగ్‌లు భారీ వర్షాలు, వరదల తాకిడికి ఏమయ్యాయోనని ప్రముఖ చరిత్రకారుడు, రచయిత పీటీ నాయర్ వాపోయారు.

న్యూఢిల్లీ: దేశవ్యాప్తంగా గల అన్ని ప్రభుత్వ వైద్య కళాశాలలు, దంత కళాశాలల్లో ప్రవేశానికి ఇకముందు ప్రతి సంవత్సరం రెండుసార్లు ‘నీట్’ ప్రవేశ పరీక్షను నిర్వహించాలనే యోచనను కేంద్రం ఉపసంహరించుకుంది. ఆరోగ్య మంత్రిత్వ శాఖ ఇచ్చిన సూచనల మేరకు ఈ నిర్ణయం తీసుకున్నట్టు సంబంధిత సీనియర్ అధికారి ఒకరు తెలిపారు.