శ్రీనగర్, ఆగస్టు 22: కాశ్మీర్ లోయ అంతటా ముస్లింలు బుధవారం ఈద్-ఉల్-అధా సంబరాలను జరుపుకున్నారు. తెల్లవారుజామునే ఈద్గా లు, మసీదులకు చేరుకున్న ముస్లిం సోదరులు ఘనంగా ప్రత్యేక ప్రార్థనలు నిర్వహించారు. చిన్నా, పెద్ద తారతమ్యం లేకుండా పురుషులు, మహిళలు తమ సంప్రదాయ దుస్తులతో ఒకరినొకరు ఆలింగనం చేసుకుంటూ శుభాభినందనలు తెలుపుకున్నారు.

న్యూఢిల్లీ: జవహర్‌లాల్ నెహ్రూ విశ్వవిద్యాలయం (జేఎన్‌యూ)లో 2016 ఫిబ్రవరిలో జరిగిన నిరసన ప్రదర్శనలపై చేసిన ప్రసారాలకు సంబంధించి మూడు వార్తా చానళ్లపై కేసులు ఏ ప్రాతిపదికన పెట్టారో వివరించాలని కేంద్ర సమాచార కమిషన్ ఢిల్లీ ప్రభుత్వాన్ని ప్రశ్నించింది. ఈ కేసులో ఇంతకు ముందు కోరిన మేరకు 30 రోజుల్లో ఎందుకు సమాచారం ఇవ్వలేక పోయారో తెలియజేయాలంటూ ప్రభుత్వ అధికారులకు కమిషన్ షోకాజ్ నోటీసులను జారీచేసింది.

న్యూఢిల్లీ, ఆగస్టు 22: జన్యుపరమైన దోషాలను నివారించేందుకు గర్భవతులకు జన్యు స్క్రీనింగ్ పరీక్షలను తప్పనిసరి చేసే చట్టాన్ని తేవాలని కేంద్రం యోచిస్తోంది. ఈ చట్టం అమలులోకి వస్తే ప్రతి గర్భవతి తప్పనిసరిగా జన్యు స్క్రీనింగ్ పరీక్షలు చేయించుకోవాలి. తలసేమియా ఇతర జన్యుపరమైన రోగాలను ప్రాథమిక దశలోనే కనుగొనవచ్చును. కేంద్రం ఇప్పటికే ముసాయిదా బిల్లును రూపొందించింది.

లక్నో: ఉత్తరప్రదేశ్‌లో దారుణం చోటుచేసుకుంది. కల్తీ మద్యం సేవించి ఐదుగురు చనిపోయారు. షమ్లి, కర్నాల్ జిల్లాల్లో ఈదారుణం జరిగింది. మరో 15మంది వివిధ ఆసుపత్రుల్లో చికిత్స పొందుతున్నారు. ఈ ఘటనపై జిల్లా మేజిస్ట్రేట్ విచారణకు ఆదేశించారు.