లక్నో: ఉత్తరప్రదేశ్‌లోని కోశికొలన్ రైల్వేస్టేషన్‌లో రైల్వే ట్రాక్ దాటుతున్న ఏడుగురు ప్రయాణీకులను రైలు ఢీకొట్టింది. వీరిలో ఓకరు అక్కడికక్కడే మృతిచెందగా, మరొకరు ఆసుపత్రిలో చనిపోయారు. మిగిలిన ఐదుగురి పరిస్థితి విషమంగా ఉన్నట్లు రైల్వే అధికారులు వెల్లడించారు.

సాగర్: మధ్యప్రదేశ్‌లోని కరీలా ప్రాంతంలో చిన్నారిపై కామందులు అత్యాచారానికి పాల్పడగా.. పెంపుడు శునకం వారిపై పడి కరిచి ఆ బాలికను కాపాడింది. ఆలస్యంగా వెలుగుచూసిన ఈ సంఘటన వివరాలు ఇలా ఉన్నాయి. కరీలా గ్రామానికి చెందిన బాలిక రాత్రివేళ ఒంటరిగా ఇంటి నుంచి రావటాన్ని గమనించిన ఇద్దరు యువకులు కత్తితో బెదిరించి సమీపంలోని నిర్మానుష్యప్రాంతానికి తీసుకువెళ్లారు.

బళ్ళారి, ఆగస్టు 20: ఎగువ ప్రాంతాల్లో వర్షాలు తగ్గుముఖం పట్టడంతో తుంగభద్ర జలాశయానికి వరద తగ్గిపోయింది. శివమొగ్గ, చిక్కమంగళూరు జిల్లాల్లో వర్షాలు తగ్గుముఖం పట్టినట్టు అధికారులు తెలిపారు. దీంతో జలాశయానికి ఇన్‌ఫ్లో కూడా తగ్గింది. నాలుగు రోజులుగా 2 లక్షల క్యూసెక్కుల ఇన్‌ఫ్లో నమోదు కావడంతో 33 గేట్లు ఎత్తి అంతే మొత్తంలో నీటిని నదిలోకి విడుదల చేశారు. సోమవారం ఇన్‌ఫ్లో తగ్గడంతో 13 గేట్లు మూసివేశారు.

న్యూఢిల్లీ, ఆగస్టు 20: దేశంలో నదులను అనుసంధానం చేసిన ఘనత ముఖ్యమంత్రి చంద్రబాబుకే దక్కుతుందని ఏపీ జల వనరుల శాఖ మంత్రి దేవినేని ఉమామహేశ్వర రావు పేర్కొన్నారు. కేంద్ర జల వనరుల శాఖ మంత్రి నితిన్ గడ్కరీ అధ్యక్షతన నేషనల్ వాటర్ డెవలప్‌మెంట్ ఏజెన్సీ సమావేశానికి ఆయన హాజరయ్యారు. అనతంరం ఉమ విలేఖరులతో మాట్లాడుతూ సుప్రీం కోర్టు ఆదేశాలు ఇచ్చినందునే నదుల అనుసంధానంపై కేంద్రం సమావేశాలు నిర్వహిస్తోందని చెప్పారు.