న్యూఢిల్లీ: లోక్‌సభ, శాసనసభలకు సంబంధించి జమిలి ఎన్నికలకు అవకాశం లేదని కేంద్ర ఎన్నికల ప్రధాన కమిషనర్ ఓపీ రావత్ స్పష్టం చేశారు. 2019లో లోక్‌సభకు, శాసనసభలకు కలిపి జమిలి ఎన్నికలు నిర్వహించే విషయమై ఇటీవల లా కమిషన్ కసరత్తు చేసిన విషయం విదితమే. న్యాయపరమైన అవరోధాలను తొలగించి జమిలి ఎన్నికలు నిర్వహించేందుకు అవకాశం లేదన్నారు. జమిలి ఎన్నికలు నిర్వహించాలంటే రాజ్యాంగపరమైన అవరోధాలు ఉన్నాయి.

న్యూఢిల్లీ: కేరళకు యూఏఈ అందిస్తానన్న విదేశీ సాయాన్ని కేంద్రం తిరస్కరించింది. ప్రస్తుతం అనుసరిస్తున్న విదేశాంగ విధానం ప్రకారం విదేశీ సాయాన్ని అంగీకరించబోమని భారత విదేశాంగ శాఖ అధికార ప్రతినిధి రవీష్ కుమార్ వెల్లడించారు. దేశీయ ప్రయత్నాల ద్వారానే కేరళను అభివృద్ధిచేస్తామని తెలిపారు.

గుజరాత్: ప్రతి కుటుంబానికి సొంత ఇల్లు ఉండాలని, అదే నా కల అని, అది 2022నాటికి సాకారం కావాలని ప్రధాని మోదీ అన్నారు. ఆయన గురువారంనాడు గుజరాత్‌లోని జుజ్వాలో పలు అభివృద్ధి కార్యక్రమాల్లో పాల్గొన్నారు. ప్రధానమంత్రి ఆవాజ్ యోజన పథకం కింద నిర్మించిన సౌంత ఇళ్లను ఈరోజు లక్ష మంది ఆడపడుచులకు పంపిణీ చేయటం ఆనందంగా ఉందని అన్నారు.

న్యూఢిల్లీ: ప్రముఖ జర్నలిస్ట్, కాలమిస్ట్ కులదీప్‌నయ్యర్ కన్నుమూశారు. 1923 ఆగస్టు 14న జన్మించిన ఆయన ఉర్దూ పత్రిక అంజుమ్‌లో జర్నలిస్ట్‌గా కెరీర్ ఆరంభించారు. ఇందిరాగాందీ విధించిన ఎమర్జెన్సీ కాలంలో అరెస్టు అయి జైలుకు వెళ్లారు. బ్రిటన్ రాయబారిగా పనిచేశారు. రాజ్యసభకు నామినేట్ అయ్యారు. రచయితగా 15కు పైగా పుస్తకాలు రాశారు.