జార్ఖండ్: ప్రముఖ సామాజిక కార్యకర్త స్వామి అగ్నివేష్ పై బీజేపీ యువమోర్చా కార్యకర్తలు పాకుర్ లో దాడికి పాల్పడ్డారు. ఓ కార్యక్రమానికి హాజరవడానికి అగ్నివేష్ వచ్చారు. హోటల్ నుంచి ఆయన బయటకు వస్తుండగా జైశ్రీరాం అంటూ ఆయనపై దాడి చేశారు. స్వామి అగ్నివేష్ మాట్లాడుతూ దాడిపై దర్యాప్తు చేయాల్సిందిగా పోలీసులను కోరానని తెలిపారు. దాడికి సంబంధించి 20 మందిని పోలీసులు అదుపులోకి తీసుకున్నారు.

న్యూఢిల్లీ: కేంద్రమంత్రి స్మృతీ ఇరానీతో తెలంగాణ ఐటీ మంత్రి కేటీఆర్ భేటీ అయ్యారు. ఈ సందర్భంగా చేనేత కార్మికుల సమస్యలను కేటీఆర్ మంత్రి దృష్టికి తీసుకువెళ్లారు. మగ్గాల ఆధునీకరణకు నిధులు, రాష్ట్రానికి కొత్తగా కస్టర్లు ఇవ్వాలని కోరినట్లు వెల్లడించారు. దీనిపై కేంద్రమంత్రి సానుకూలంగా స్పందించినట్లు వెల్లడించారు.

న్యూఢిల్లీ: గోవుల సంరక్షణ పేరుతో కొందరు కార్యకర్తలు గుంపులుగా వ్యక్తులపై దాడిచేయటాన్ని సుప్రీం కోర్టు తీవ్రంగా పరిగణించింది. ఇలాంటి దాడులకు పాల్పడేవారిపై చట్టాన్ని తీసుకురావాలని కేంద్రాన్ని ఆదేశించింది. సామాజిక కార్యకర్త తెహసీన్ పునావాలా, మహాత్మాగాంధీ మనుమడు తుషార్‌గాంధీ వేసిన పిటిషన్‌పై విచారణ చేపట్టిన ధర్మాసనం ఈమేరకు ఆదేశాలు జారీ చేసింది.

ముంబయి: ముంబయిలో జలశయాలన్నీ నిండుకుండలా ప్రవస్తున్నాయి. దాదాపు అన్ని సరస్సులలో కూడా నీటితో నిండుగా ఉన్నాయి. ఈ ఏడాది మంచినీటికి కొరత ఉండదని అంటున్నారు. మొదక్, సాగర్, తులసి, విహార్, తాన్సా, అప్సర వైతరణి, మిడిల్ వైతరణ, భాట్సా సరస్సులు నీటితో కళకళలాడుతున్నాయి.