కర్నాటకంలో ఎవరిది గెలుపు.. ఎవరికి కుదుపు? అన్నది గంటల్లో తేలిపోనుంది. సుప్రీం కోర్టు ఆదేశంతో సీను మారడంతో, గత రెండు రోజుల రాజకీయ పరిణామాలు సరికొత్త ఆవిష్కరణకు తెరతీశాయి. బలం లేకపోయినా గద్దెనెక్కిన సీఎం యెడ్యూరప్ప శనివారం సాయంత్రం మెజార్టీని నిరూపించుకోవాల్సిన పరిస్థితి సుప్రీం ఆదేశంతో ఏర్పడింది. పదిహేను రోజుల గడువు తగ్గిపోవడంతో ఆయన మద్దతు వేటలోపడ్డారు.

బెంగళూరు: రేపు జరుగనున్న బల పరీక్షకు ముందు కర్ణాటకలో గవర్నర్ కీలక నిర్ణయం తీసుకున్నారు. ఆయన ప్రొటెం స్పీకర్‌గా బీజేపీ ఎమ్మెల్యే బోపయ్యను నియమించారు. గతంలో బోపయ్య వ్యవహారశైలిని సుప్రీం కోర్టు తప్పుపట్టింది. సభలో అత్యంత సీనియర్‌గా ఉన్న సభ్యుడిని ప్రొటెం స్పీకర్‌గా నియమించాలనే నిబంధన ఉన్నా గవర్నర్ అందుకు విరుద్ధంగా వ్యవహరించారని కాంగ్రెస్ విమర్శించింది. విరాజ్‌పేట్ నుంచి బోపయ్య గెలిచారు.

బెంగళూరు: మాజీ సీఎం సిద్ధరామయ్య నిరంకుశ వైఖరి, అహంకారం, కులతత్వం వల్లే కాంగ్రెస్ పార్టీ ఓటమి చెందిందని కర్ణాటక అసెంబ్లీ మాజీ స్పీకర్ కృష్ణప్ప భీమప్ప కొలివాద్ సంచలన వ్యాఖ్యలు చేశారు. వ్యాఖ్యానించారు. సీనియర్ 73ఏళ్ల కృష్ణప్ప భీమప్ప స్వతంత్ర అభ్యర్థి శంకర్ చేతిలో పరాజయం పాలయ్యారు. లింగాయత్ లకు మైనారిటీ హోదా కల్పించవద్దని తాను కోరినా సీఎం వినలేదని ఆయన అన్నారు.

శ్రీనగర్ : జమ్మూకాశ్మీర్‌లోని ఆర్‌ఎస్ పురా సెక్టార్‌లో పాక్ సైన్యం కాల్పులకు పాల్పడింది. ఈ కాల్పుల్లో ఇద్దరు పౌరులు మృతి చెందారు. బీఎస్‌ఎఫ్ జవాన్ సీతారం ఉపాధ్యాయ కూడా ప్రాణాలు కోల్పోయాడు. పాక్ కాల్పులను భారత సైన్యం సమర్థవంతంగా తిప్పికొడుతుంది.