న్యూఢిల్లీ, జూన్ 22: దేశంలో పట్టణ ప్రాంత పేదల ఇళ్ల నిర్మాణానికి కేంద్రం 6,500 కోట్ల రూపాయలు వెచ్చించనుంది. లక్షా 27వేల మందికి గృహాలు నిర్మించాలని కేంద్రం నిర్ణయించింది. ప్రధాన మంత్రి అవాస్ యోజన (అర్బన్) కింద ఇళ్లను నిర్మించనున్నారు. రెండేళ్ల క్రితం ప్రారంభించిన ఈ పథకం కింద ఇప్పటికే 20.95 లక్షల ఇళ్ల నిర్మాణం పూర్తయిందని కేంద్ర హౌసింగ్, పేదరిక నిర్మూలన మంత్రిత్వశాఖ వెల్లడించింది.

సూళ్లూరుపేట, జూన్ 21: భారత అంతరిక్ష పరిశోధన సంస్థ జిఎస్‌ఎల్‌వి మార్క్3 వంటి భారీ రాకెట్ ప్రయోగం విజయవంతంగా చేపట్టి 20రోజుల గడవక ముందే మరో రికార్టు ప్రయోగానికి శ్రీకారం చుట్టింది. ఏకంగా 31 ఉపగ్రహాలు ఒకేసారి రోదసీలోకి పంపేందుకు సర్వం సిద్ధం చేసింది. నెల్లూరు జిల్లా శ్రీహరికోటలోని సతీష్ థావన్ స్పేస్ సెంటర్ నుండి శుక్రవారం ఉదయం 9:29కి పిఎస్‌ఎల్‌వి-సి 38 రాకెట్ నింగిలోకి ఎగరనుంది.

న్యూఢిల్లీ, జూన్ 21: బిజెపి రాష్టప్రతి అభ్యర్థి రామ్‌నాథ్ కోవింద్‌కు జెడి(యు) అధ్యక్షుడు, బిహార్ ముఖ్యమంత్రి నితీశ్ కుమార్ మద్దతు ప్రకటించటంతో ప్రతిపక్ష మహాకూటమి కుప్పకూలింది. పాట్నాలో ముఖ్యమంత్రి నితీశ్ కుమార్ నివాసంలో జరిగిన జెడి(యు) సమావేశంలో కొత్త రాష్టప్రతి ఎంపిక గురించి చర్చించారు.

చెన్నై, జూన్ 21: అన్నాడిఎంకె ప్రధాన కార్యదర్శి వికె శశికళపై ఆర్థిక నేరాల ప్రత్యేక కోర్టు అభియోగాలను నమోదు చేసింది. అక్రమ ఆస్తుల కేసులో బెంగళూరు జైలులో ఉన్న శశికళపై ఫెరా చట్టాన్ని ఉల్లంఘించిన కేసులో చార్షిషీటు దాఖలయింది. జైలులో ఉన్న శశికళను వీడియో కాన్ఫరెన్స్ ద్వారా అడిషనల్ చీఫ్ మెట్రోపాలిటన్ మెజిస్ట్రేట్ ఎ జకీర్ హుసేన్ విచారించారు. శశికళ బెంగళూరులోని పరపన్న అగ్రహారం జైలులో ఉన్నారు.