కోల్‌కతా/ న్యూఢిల్లీ, డిసెంబర్ 2: పశ్చిమ బెంగాల్‌లోని కొన్ని టోల్ ప్లాజాల వద్ద సైనిక బలగాల మోహరింపు పెద్ద దుమారానికి తెరలేపింది. కేంద్రం తీసుకున్న ఈ చర్యను ‘సైనిక కుట్ర’గా అభివర్ణించిన పశ్చిమబెంగాల్ ముఖ్యమంత్రి మమతా బెనర్జీ సైన్యం మోహరింపును నిరసిస్తూ గురువారం రాత్రంతా రాష్ట్ర సచివాలయమైన ‘నబన్నా’లోనే గడిపారు. మరోవైపు, సైనిక కుట్రంటూ మమత చేసిన ఆరోపణలను కేంద్రం శుక్రవారం తీవ్రంగా ఖండించింది.

న్యూఢిల్లీ, డిసెంబర్ 2: కాంగ్రెస్ పార్లమెంటరీ పార్టీ (సిపిపి) సమావేశానికి తొలిసారి యువనేత రాహుల్ గాంధీ సారథ్యం వహించారు. పార్టీ అధినేత్రి సోనియా గాంధీ అనారోగ్య కారణాల వలన శుక్రవారం ఈ సమావేశానికి రాలేకపోవడంతో రాహుల్ గాంధీ అధ్యక్షత వహించారు. పార్లమెంట్ సెంట్రల్ హాలులో జరిగిన ఈ సమావేశంలో ప్రసంగిస్తూ, ఆయన ప్రధాన మంత్రి నరేంద్ర మోదీపై మరోసారి తీవ్రస్థాయిలో నిప్పులు చెరిగారు.

ముంబయి, డిసెంబర్ 2: సరిహద్దుల్లో భారతీయ జవాన్ల హత్యలపై బిజెపి మిత్రపక్షమైన శివసేన కేంద్రాన్ని తీవ్రంగా తప్పుబడుతూ, పెద్ద నోట్ల రద్దుపై నవంబర్ 8న ప్రకటన వెలువడిన తర్వాత సరిహద్దుల్లో మన సైనికులపై దాడులు ఎందుకు పెరిగాయో చెప్పాలని ప్రశ్నించింది.

న్యూఢిల్లీ, డిసెంబర్ 1: ప్రధాన మంత్రి నరేంద్ర మోదీ గురువారం రాజ్యసభకు వచ్చినా ప్రతిపక్షం మాత్రం పెద్దనోట్ల రద్దు మూలంగా ప్రజలు ఎదుర్కొంటున్న సమస్యలపై జరుగుతున్న చర్చను ముందుకు సాగించేందుకు అనుమతించలేదు. నల్లధనానికి ప్రతిపక్షం మద్దతు ఇస్తోందంటూ చేసిన ఆరోపణలకు క్షమాపణలు చెప్పేంతవరకు సభలో చర్చను సాగనివ్వమంటూ ప్రతిపక్ష సభ్యులు పోడియంను చుట్టుముట్టి గొడవ చేశారు.