న్యూఢిల్లీ, అక్టోబర్ 14: భారత దేశాన్ని సహనశీలతకు విశ్వవిద్యాలయంగా కేంద్ర హోం మంత్రి రాజ్‌నాథ్ సింగ్ అనివర్ణిస్తూ, దేశంలో మత హింసను ఎట్టిపరిస్థితుల్లోను అనుమతించబోమని స్పష్టం చేశారు.‘శాంతియుత సహజీవనానికి సహన శీలత ముఖ్యం. భారత దేశంలో అన్ని మతాలకు చెందిన వారు వివక్ష భయం లేకుండా శాంతియుతంగా జీవించడమే కాకుండా తమ మతాలను అచరిస్తున్నారు.

రత్లాం, అక్టోబర్ 14: మధ్యప్రదేశ్‌లో ఓ ప్రైవేటు బస్సు భారీ నీటిగుంతలో పడిపోవడంతో 17మం ది దుర్మరణం చెందారు. మరో 13మంది తీవ్రంగా గాయపడ్డారు. మరో ముగ్గురు సురక్షితంగా బయటపడ్డారు. రత్లాం నుంచి జోరాకు వెళుతున్న ఈ బస్సు డ్రైవర్ అదుపుకోల్పోవడంతో రో డ్డు పక్కన వున్న భారీ నీటి గుంతలో పడిపోయింది. రోడ్డు నిర్మాణానికి అవసరమైన మట్టిని తవ్వడంతో ఏర్పడిన ఈ పెద్ద గొయ్యి వర్షపు నీటితో నిండిపోయింది.

న్యూఢిల్లీ, అక్టోబర్ 14: ఆమె కుమారుడు సైన్యంలో కెప్టెన్. ఆపరేషన్ రక్షక్‌లో అసువులు బాశాడు. అతని మరణానంతరం కేంద్రం శౌర్యచక్రను, జమ్మూ ప్రభుత్వం సాహస అవార్డును ప్రకటించాయి. అయితే, అవి చోరీకి గురికావడంతో అతని తల్లి పోలీసులకు ఫిర్యాదు చేసింది. ఎన్నిసార్లు తిరిగినా పోలీసులు స్పందించలేదనీ, వాటిని వెతికిపెట్టాలంటే లంచం డిమాండ్ చేశారని ఆమె వాపోయింది.

న్యూఢిల్లీ, అక్టోబరు 14: మైసూర్-బెంగళూరు- చెన్నై హైస్పీడ్ రైల్ కారిడార్ మార్గంపై అధ్యయనాన్ని విజయవాడ వరకు పొడిగించాలని కేంద్ర ప్రభుత్వం నిర్ణయం తీసుకుంది. ఈమేరకు రైల్వే మంత్రి సురేశ్ ప్రభు జర్మనీ రవాణ మంత్రి అలెగ్జాండర్ డాబ్రింట్‌కు విజ్ఞప్తి చేశారు. శుక్రవారం రైల్ భవన్‌లో ఉభయ దేశాల మంత్రులు సమావేశమయ్యారు. భారత్‌లో రైల్వే నెట్‌వర్క్ అభివృద్ధిపై ఇరు దేశాల మధ్య కీలక చర్చలు జరిగాయి.