న్యూఢిల్లీ, అక్టోబర్ 13: దేశంలో అతి పెద్ద రాష్ట్రం ఉత్తరప్రదేశ్‌లో త్వరలో జరగబోయే అసెంబ్లీ ఎన్నికల్లో భారతీయ జనతాపార్టీ హవా కొనసాగుతుందని ఇండియాటుడే-యాక్సిస్ ముందస్తు ఎన్నికల సర్వే అంచనా వేసింది. 403 స్థానాలున్న యూపి అసెంబ్లీ ఎన్నికల్లో బిజెపి 170 నుంచి 183 స్థానాలు గెలుచుకోవచ్చని పేర్కొంది. అంటే సాధారణ మెజారిటీకి 19 నుంచి 29 స్థానాలు మాత్రమే తక్కువ అవుతాయి.

న్యూఢిల్లీ, అక్టోబర్ 13: పార్లమెంట్ శీతాకాల సమావేశాలు నవంబర్ 16నుంచి నెల రోజుల పాటు నిర్వహించాలని కేంద్ర ప్రభుత్వం నిర్ణయించింది. పార్లమెంటరీ వ్యవహారాల కేబినెట్ కమిటీ గురువారం సమావేశమై ఈ మేరకు నిర్ణయం తీసుకుంది. పాక్ ఆక్రమిత కాశ్మీర్‌లో భారత సైన్యం నిర్వహించిన లక్షిత దాడులు సమావేశాలలో ప్రధానంగా చర్చకు వచ్చే అవకాశం ఉంది.

చెన్నై, అక్టోబర్ 13: అపోలో ఆసుపత్రిలో చికిత్సపొందుతున్న తమిళనాడు ముఖ్యమంత్రి జయలలిత అధికారాలను ఆర్థిక మంత్రి ఓ పన్నీర్ సెల్వంకు అప్పగించడంపై వస్తున్న విమర్శలను అధికార అన్నాడిఎంకె తోసిపుచ్చింది. దీనిపై ప్రతిపక్ష డిఎంకె చేస్తున్న ఆరోపణలు అన్నాడిఎంకె అధికార ప్రతినిధి సిఆర్ సరస్వతి గురువారం ఇక్కడ ఖండించారు. ‘సిఎం జయలలిత కోలుకుంటున్నారు. ఆమె రోజూ దినపత్రికలు చదువుతున్నారు’ అని ఆమె వెల్లడించారు.

న్యూఢిల్లీ, అక్టోబర్ 13: భారత జవాన్లకు కేంద్ర ప్రభుత్వం దీపావళి కానుక ఇవ్వటానికి సిద్ధమవుతోంది. పండుగ నాటికి కనీసం పది శాతం ఏడో వేతన సంఘం సిఫార్సుల బకాయిలు చెల్లించాలని మోదీ సర్కారు నిర్ణయించినట్లు ఎకనామిక్ టైమ్స్ పత్రిక వెల్లడించింది. ఈ వార్త ప్రకారం అక్టోబర్ 30 నాటికి సైనికులు మధ్యంతరంగా పదిశాతం బకాయిలను పొందుతారు.