న్యూఢిల్లీ, మే 25: జాతీయ క్రికెట్ జట్టు కోచ్‌గా అనిల్ కుంబ్లే కాంట్రాక్టు కొనసాగుతుందనీ, ఆ పదవిలో అతనే ఉంటాడనీ చాలాకాలంగా వినిపిస్తున్న ఊహాగానాలకు తెరపడింది. కోచ్ పదవికి అర్హులైన వారు దరఖాస్తు చేసుకోవచ్చంటూ భారత క్రికెట్ నియంత్రణ బోర్డు (బిసిసిఐ) విడుదల చేసిన ప్రకటన కుంబ్లే కాంట్రాక్టుకు తెరపడిందనే విషయాన్ని స్పష్టం చేసింది.

న్యూఢిల్లీ, మే 25: కార్యవర్గ సభ్యుల వివరాలతో కూడిన జాబితాను వెంటనే సమర్పించాలని భారత క్రికెట్ నియంత్రణ మండలి (బిసిసిఐ) సభ్య సంఘాలను బోర్డు పాలనాధికారుల బృందం (సిఒఎ) ఆదేశించింది. కార్యవర్గ సభ్యుల పేర్లతోపాటు, వారు ఎప్పటి వరకూ పదవిలో ఉంటారనే విషయాన్ని కూడా తప్పనిసరిగా పేర్కొవాలని అన్ని యూనిట్లకు రాసిన లేఖలో తెలిపింది. ఇది వరకు కూడా సిఒఎ ఇలాంటి లేఖనే పంపింది.

ముంబయి, మే 24: చాంపియన్స్ ట్రోఫీని చాలా కష్టతరమైన టోర్నమెంట్‌గా భారత కెప్టెన్ విరాట్ కోహ్లీ అభివర్ణించాడు. ప్రపంచ కప్ కంటే ఈ టోర్నీలోనే పోటీ తీవ్రంగా ఉంటుందని బుధవారం విలేఖరుల సమావేశంలో మాట్లాడుతూ చెప్పాడు. ప్రపంచ కప్‌లో మొదటి సగ భాగంలో పోటీలు సామాన్యంగా ఉంటాయని, రెండో భాగంలో తీవ్రతను సంతరించుకుంటాయని, కానీ చాంపియన్స్ ట్రోఫీలో మొదటి గేమ్ నుంచే హోరాహోరీ పోరు మొదలవుతుందని చెప్పాడు.

ముంబయి, మే 24: భారత సీనియర్ స్పిన్నర్ రవిచంద్రన్ అశ్విన్‌కు ప్రతిష్ఠాత్మకమైన సియెట్ క్రికెట్ రేటింగ్ (సిసిఆర్) ఇంటర్నేషనల్ అవార్డు లభించింది. ఇంటర్నేషనల్ క్రికెటర్ ఆఫ్ ది ఇయర్ అవార్డును అతను భారత మాజీ కెప్టెన్ సునీల్ గవాస్కర్, ఆర్‌పిజి ఎంటర్‌ప్రైజెస్ చైర్మన్ హర్ష్ గోయెంకా నుంచి అందుకున్నాడు.