S ,7 à 8 RSCA (si SASPAS) et 6 cialis pharmacie cialis rapports de stage.

క్రీడాభూమి

09/19/2016 - 07:20

మాడ్రిడ్, సెప్టెంబర్ 17: స్పెయిన్ సాకర్ చాంపియన్‌షిప్ లా లిగాలో భాగంగా లెగానెస్‌తో జరిగిన మ్యాచ్‌లో బార్సిలోనా ఆటగాడు లియోనెల్ మెస్సీ రెండు గోల్స్ సాధించాడు. మరో రెండు గోల్స్ రావడంతో కీలక పాత్ర పోషించాడు. అతని ప్రతిభతో బార్సిలోనా 5-1 తేడాతో ఘన విజయాన్ని నమోదు చేసింది. మ్యాచ్ 15వ నిమిషంలోనే బార్సిలోనాకు మెస్సీ తొలి గోల్‌ను అందించాడు. 31వ నిమిషంలో మరో స్టార్ ఆటగాడు లూయిస్ సౌరెజ్ గోల్ చేశాడు.

09/19/2016 - 07:17

న్యూఢిల్లీ, సెప్టెంబర్ 18: ముంబయి, న్యూజిలాండ్ జట్ల మధ్య జరిగిన వామప్ మ్యాచ్ డ్రాగా ముగిసింది. ముంబయి ఆటగాడు సిద్దేష్ లాడ్ సెంచరీ పూర్తి చేయడం మినహా చివరి రోజు ఆట సాదాసీదాగా ముగిసింది. ఈ మ్యాచ్‌లో తొలుత బ్యాటింగ్‌కు దిగిన న్యూజిలాండ్ ఏడు వికెట్లకు 324 పరుగులు సాధించి డిక్లేర్ చేసింది.

09/19/2016 - 07:17

బ్రిస్బేన్, సెప్టెంబర్ 18: భారత్ ‘ఎ’, ఆస్ట్రేలియా ‘ఎ’ జట్ల మధ్య నాలుగు రోజుల అనధికార టెస్టు డ్రాగా ముగిసింది. భారీ వర్షం కారణంగా అవుట్ ఫీల్డ్ మొత్తం బురదమయంగా మారడంతో ఆటను మొదలుపెట్టే అవకాశం లేకపోయింది. పలుమార్లు పరిస్థితిని సమీక్షించిన అంపైర్లు చివరికి మ్యాచ్‌ని డ్రాగా ప్రకటించారు. రెండు మ్యాచ్‌ల సిరీస్‌ను ఆస్ట్రేలియా 1-0 తేడాతో గెల్చుకుంది.

09/19/2016 - 07:16

గబాలా (అజర్‌బైజాన్), సెప్టెంబర్ 18: భారత షూటర్ శుభాంకర్ ప్రామాణిక్ ఐఎస్‌ఎస్‌ఎఫ్ జూనియర్ వరల్డ్ కప్ షూటింగ్‌లో స్వర్ణ పతకం సాధించాడు. అతను మొత్తం 205.5 పాయింట్లు సంపాదించి అగ్రస్థానాన్ని ఆక్రమించగా, చెక్ రిపబ్లిక్‌కు చెందిన ఫెలిప్ నెడెచల్ 205.2 పాయింట్లతో రజత పతకాన్ని గెల్చుకున్నాడు. రుమేనియాకు చెందిన డ్రోగొమిర్ లొర్డాచె 185.1 పాయింట్లతో కాంస్య పతకాన్ని దక్కించుకున్నాడు.

09/19/2016 - 07:15

లావెన్, సెప్టెంబర్ 18: భారత బాడ్మింటన్ ఆటగాడు సౌరభ్ వర్మ ఇక్కడ జరిగిన బెల్జియం ఇంటర్నేషనల్ టోర్నమెంట్‌లో రన్నరప్‌గా నిలిచాడు. అన్‌సీడెడ్‌గా బరిలోకి దిగిన అతను ఫైనల్‌లో లుకాస్ కోర్వీ (ఫ్రాన్స్)తో తలపడి 19-21, 19-21 తేడాతో పరాజయాన్ని ఎదుర్కొన్నాడు. మ్యాచ్ ఆరంభంలో 11-4 ఆధిక్యాన్ని సంపాదించినప్పటికీ, ఆతర్వాత దానిని నిలబెట్టుకోలేకపోయాడు. పదేపదే పొరపాట్లు చేస్తూ తొలి సెట్‌ను కోల్పోయాడు.

09/18/2016 - 06:00

న్యూఢిల్లీ, సెప్టెంబర్ 17: డేవిస్ కప్ వరల్డ్ గ్రూప్ ప్లే ఆఫ్ చేరే అవకాశాలను సజీవంగా నిలబెట్టుకోవడానికి స్పెయిన్‌తో శనివారం డబుల్స్ విభాగంలో పోటీపడిన భారత్‌కు చుక్కెదురైంది. రాఫెల్ నాదల్, మార్క్ లొపెజ్ జోడీ 4-6, 7-6, 6-4, 6-4 ఆధిక్యంతో లియాండర్ పేస్, సాకేత్ మైనేజీ జోడీపై విజయభేరి మోగించింది. సింగిల్స్ విభాగంలో శుక్రవారం జరిగిన రెండు మ్యాచ్‌ల్లోనూ భారత్ ఓటమిపాలైన విషయం తెలిసిందే.

09/18/2016 - 05:59

కాన్పూర్, సెప్టెంబర్ 17: ఆశించిన స్థాయిలో రాణించలేక విఫలమవుతున్న రోహిత్ శర్మ, శిఖర్ ధావన్‌లకు భారత సెలక్టర్లు ఇంతకెంత కాలం సహాయసహకారాలను అందిస్తారన్న విమర్శలు తెరపైకి వచ్చిన నేపథ్యంలో, న్యూజిలాండ్‌తో ఆరంభం కానున్న మొదటి టెస్టు మ్యాచ్ వీరికి పరీక్ష పెట్టనుంది.

09/18/2016 - 05:58

న్యూఢిల్లీ, సెప్టెంబర్ 17: కౌస్త్భు పవార్, సూర్యకుమార్ యాదవ్ శతకాలు సాధించడంతో, న్యూజిలాండ్‌తో జరుగుతున్న నాలుగు రోజుల వామప్ మ్యాచ్‌లో ముంబయి 107 పరుగుల ఆధిక్యాన్ని సంపాదించింది. ఇంకా ఐదు వికెట్లు చేతిలో ఉన్నాయి. కివీస్ తొలి ఇన్నింగ్స్‌ను ఐదు వికెట్లకు 431 పరుగుల స్కోరువద్ద డిక్లేర్ చేసింది. అనంతరం బ్యాటింగ్‌కు దిగిన ముంబయి ఒక వికెట్ నష్టపోయి 29 పరుగులు చేసింది.

09/18/2016 - 05:58

న్యూఢిల్లీ, సెప్టెంబర్ 17: న్యూజిలాండ్ ఫాస్ట్ బౌలర్ టిమ్ సౌథీ గాయపడ్డాడు. ఫలితంగా భారత్‌తో జరిగే టెస్టు సిరీస్‌కు దూరమయ్యాడు. ప్రాక్టీస్ సెషన్‌లో బౌలింగ్ చేస్తున్నప్పుడు అతని ఎడమ కాలి మడమకు గాయమైంది. రెండు కండరాలు చిట్లాయని, దీనితో అతనికి వైద్య సేవలు అవసరమని కివీస్ జట్టు మేనేజ్‌మెంట్ తెలిపింది.

09/18/2016 - 05:57

బ్రిస్బేన్, సెప్టెంబర్ 17: ఆస్ట్రేలియా ‘ఎ’తో జరుగుతున్న ‘ఎ’ సిరీస్ మ్యాచ్‌లో భారత్ ‘ఎ’ ఎదురీదుతోంది. తొలి ఇన్నింగ్స్‌లో భారత్ ‘ఎ’ 169 పరుగులకే ఆలౌట్‌కాగా, అందుకు సమాధానంగా ఆస్ట్రేలియా ‘ఎ’ 435 పరుగులు సాధించింది. తొలి ఇన్నింగ్స్‌లో 266 పరుగులు వెనుకంజలో పడిన భారత్ ‘ఎ’ రెండో ఇన్నింగ్స్‌లో 158 పరుగులకే నాలుగు వికెట్లు కోల్పోయి, ఇన్నింగ్స్ ఓటమి ప్రమాదంలో పడింది.

Pages