హైదరాబాద్, అక్టోబర్ 15: తెలంగాణ సిఎం కె. చంద్రశేఖరరావు జోన్ల వ్యవహారంలో భారీ మార్పు లు తేవాలని నిర్ణయించడంతో ఈ అంశం యుద్ధప్రాతిపదికన ముందుకు సాగుతోంది. జోన్ల విధానం కొనసాగించడమే కాకుండా, వీటి సంఖ్య పెంచాలని సిఎం తాజాగా నిర్ణయించడంతో అందుకు సంబంధించిన కార్యక్రమాలు అతివేగంగా సాగుతున్నాయి. ఉపముఖ్యమంత్రి కడియం శ్రీహరి నేతృత్వంలో ప్రభుత్వం ఏర్పాటు చేసిన ఉన్నతస్థాయి కమిటీ అప్పుడే రంగంలోకి దిగింది.

మహబూబ్‌నగర్, అక్టోబర్ 15: కల్వకుర్తి ప్రాంత రైతులకు మూడు రోజులు ముందుగానే దీపావళి పండుగ వచ్చిందని, దశాబ్దాల తరబడి ఎదురు చూస్తున్న కృష్ణాజలాలు తమ బీడువారి నెర్రలు బారిన పొలాల్లోకి కృష్ణమ్మ పరవళ్లు తొక్కడం అంటేనే అంతకన్నా పండుగ మరేముంటుందని ఇది రైతులకు దీపావళి ధమాకానేనని భారీ నీటిపారుదలశాఖ మంత్రి తన్నీరు హరీశ్ రావు అన్నారు.

విజయవాడ, అక్టోబర్ 15: ఉన్నత విద్య, పాఠశాల విద్యా శాఖలో వెలుగుచూస్తున్న అక్రమాలపై ఆ శాఖ మంత్రి తరచూ విచారణకు ఆదేశించడం వినా, నివేదికలు వెలుగుచూస్తున్న దాఖలాలు లేవు. వివిధ ఘటనలపై విచారణకు ఆదేశించడానికే పరిమితవౌతున్న మంత్రి సంబంధిత సిబ్బందిపై చర్యలు తీసుకున్న సందర్భాలు దాదాపు ఉండటం లేదు. ఆంధ్ర వర్శిటీలో గతంలో ఫిజిక్స్, గణితం పేపర్లు లీక్ అయినప్పుడు విచారణకు ఆదేశించారు.

విజయవాడ, అక్టోబర్ 15: రానున్న కాలంలో విద్యార్థుల ప్రతిభ ఆధారంగా పూర్తిగా చదివించే బాధ్యత తీసుకుంటామని, ఇప్పుడిస్తున్న 6,500 ప్రతిభా పురస్కారాలకు మరో వెయ్యి జోడిస్తామని, ఇందుకోసం అదనంగా రూ.30 కోట్లు కేటాయస్తా మని సిఎం చంద్రబాబు ప్రకటించారు. విద్యార్థుల్లో ఆత్మవిశ్వాసం పెంచాల్సి ఉందన్నారు. తల్లిదండ్రులపై ఆధారపడకుం డా, విద్యార్థులు తమ ప్రతిభా పురస్కారాలతో చదివే పరిస్థితి రావాలని ఆకాంక్షించారు.