హైదరాబాద్, అక్టోబర్ 14: నాగార్జునసాగర్ ప్రాజెక్టులో నీటి నిల్వ 190 టిఎంసికి చేరుకోవడం, సగటున రోజుకు 2.7 లక్షల క్యూసెక్కుల నీరు చేరుతుండటంతో తెలంగాణ పరిధిలోని సాగర్ ఎడమ కాల్వకు నీటిని విడుదల చేయాలనే యోచనలో ఆ రాష్ట్ర ప్రభుత్వం ఉంది. దీనికి సంబంధించి కృష్ణాబోర్డు తీసుకునే నిర్ణయం కోసం వేచి ఉంది.

తిరుపతి,అక్టోబర్ 13: తిరుమల శ్రీవారి లడ్డూ ప్రసాద ఉత్పత్తి సామర్థ్యాన్ని పెంచేందుకు త్వరలోనే పోటు ఆధునీకరణకు ప్రణాళికలను రూపొందించాలని టిటిడి ఇఓ అనిల్‌కుమార్ సింఘాల్ అధికారులను ఆదేశించారు. శుక్రవారం తిరుమలలోని అన్నమయ్యభవనంలో పలు అంశాలపై అధికారులతో ఆయన చర్చించారు. భక్తుల అవసరాలకు తగ్గట్టుగా ఒక రోజుకు 5లక్షల లడ్డూలు తయారు చేసేందుకు అవసరమైన ప్రణాళికలను సంబంధిత అధికారులు రూపొందించాలని తెలిపారు.

భద్రాచలం టౌన్, అక్టోబర్ 13: భద్రాచలం శ్రీ సీతారామచంద్రస్వామి ఆలయంలో నూతనంగా ప్రవేశపెట్టిన ‘సంధ్యా హారతి’ ఆర్జిత సేవను త్రిదండి చిన జీయర్‌స్వామి శుక్రవారం రాత్రి లాంఛనంగా ప్రారంభించారు. భక్తుల జయ జయధ్వానాల నడుమ స్వామిని ఊరేగింపుగా తీసుకొచ్చి ఉత్తరద్వారంలో ఉంచిన ఉయ్యాలలో కూర్చోబెట్టి పూజలు చేశారు. దీపారాధన ఇచ్చి మంగళశాసనాలు పలికారు.

హైదరాబాద్, అక్టోబర్ 13: నల్లగొండ, సూర్యాపేటలో మెడికల్ కాలేజీలను ఏర్పాటు చేయబోతున్నట్టు ముఖ్యమంత్రి కెసిఆర్ ప్రకటించడంతో మెడికల్ కౌన్సిల్ ఆఫ్ ఇండియాకు ప్రతిపాదనలు పంపించాలని వైద్య ఆరోగ్యశాఖ మంత్రి సి లక్ష్మారెడ్డి ఆదేశించారు. కాళోజి నారాయణరావు వైద్య విశ్వవిద్యాలయం వైస్ చాన్స్‌లర్ కరుణాకర్‌రెడ్డితో పాటు వైద్య విద్య అధికారులతో సచివాలయంలో శుక్రవారం మంత్రి లక్ష్మారెడ్డి సమావేశమయ్యారు.