విజయవాడ, అక్టోబర్ 13: ఎంసెట్‌లో ఇంటర్ మార్కులకు వెయిటేజ్ తొలగించే అంశాన్ని పరిశీలిస్తున్నామని రాష్ట్ర మానవ వనరుల అభివృద్ధి శాఖ మంత్రి గంటా శ్రీనివాసరావు వెల్లడించారు. వెలగపూడి సచివాలయంలో శుక్రవారం ఆయన మీడియా సమావేశంలో మాట్లాడుతూ ఎంసెట్‌లో ఇంటర్ మార్కులకు ప్రాధాన్యత ఉండటం వల్ల విద్యార్థులపై ఎక్కువ ఒత్తిడి ఉంటోందని, దీనిపై త్వరలో నిర్ణయం తీసుకుంటామన్నారు.

అమరావతి, అక్టోబర్ 13: రాష్ట్రంలో ఉద్యాన పంటల సాగు విస్తీర్ణాన్ని కోటి ఎకరాలకు పెంచాలని ఆంధ్రప్రదేశ్ ముఖ్యమంత్రి నారా చంద్రబాబునాయుడు దిశా నిర్దేశం చేశారు. వ్యవసాయాన్ని లాభసాటిగా మార్చేందుకు పక్కా ప్రణాళికతో ముందుకు సాగాలని అధికారులను ఆదేశించారు. శుక్రవారం సచివాలయంలో వ్యవసాయ, అనుబంధ రంగాల ప్రగతిని ఆయన సమీక్షించారు.

నాగార్జునసాగర్, అక్టోబర్ 12: నాగార్జునసాగర్ జలాశయానికి శ్రీశైలం నుండి వస్తున్న వరదనీరు కారణంగా సాగర్ జలాశయ నీటిమట్టం క్రమేణా పెరుగుతూ ఉంది. సగటున రోజుకు 4 అడుగుల చొప్పున పెరుగుతూ వస్తుంది. నిన్న మొన్నటి వరకు శ్రీశైలం నుండి విద్యుత్ ఉత్పత్తి ద్వారా విడుదలవుతున్న నీటితో సాగర్‌లో డెడ్ స్టోరేజిలో ఉన్న నీటిమట్టం కనీస స్థాయిని దాటి 526అడుగులకు చేరుకోగా గురువారం సాయంత్రానికి 530 అడుగులకు పెరిగింది.

హైదరాబాద్, అక్టోబర్ 12: గోదావరి ఎక్స్‌ప్రెస్ రైలులో భారీ చోరీ జరిగింది. హైదరాబాద్ నగరానికి వస్తున్న ఓ మహిళ ప్రయాణికురాలి బ్యాగులోని భారీ మొత్తంలో నగదు, నగలు చోరీకి గురయ్యాయి. సికిందరాబాద్‌లో రైలు దిగే సమయంలో గుర్తించిన బాధితురాలు రైల్వే పోలీసులకు ఫిర్యాదు చేసింది. ఈ ఘటనకు సంబంధించి పోలీసులు తెలిపిన వివరాలిలావున్నాయి. రాజమండ్రికి చెందిన వాణి మియాపూర్‌లో నివాసముంటోంది.