హైదరాబాద్, డిసెంబర్ 12: ప్రపంచ తెలుగు మహాసభలను వైభవోపేతంగా నిర్వహించేందుకు సర్వం సిద్ధం చేశామని ఉప ముఖ్యమంత్రి కడియం శ్రీహరి పేర్కొన్నారు. ప్రధాన చౌరాస్తాల్లో తోరణాల ఏర్పాటు కూడా ప్రారంభమైందని, ఎల్బీస్టేడియంలో ప్రధాన కార్యక్రమం జరిగే పాల్కురికి సోమన ప్రాంగణంలో బమ్మెర పోతన వేదిక సిద్ధమైందని అన్నారు.

హైదరాబాద్, డిసెంబర్ 12: ప్రపంచ తెలుగు మహాసభల ముగింపు వేడుకతో పాటు శీతాకాల విడిది కోసం రెండు పర్యాయాలు రాష్టప్రతి రామ్‌నాథ్ కోవింద్ హైదరాబాద్‌కు రానున్నారు. ఈ మేరకు అధికారిక సమాచారం రాష్ట్ర ప్రభుత్వానికి అందింది. నాలుగు రోజుల వ్యవధిలో రెండుసార్లు రాష్టప్రతి పర్యటన ఖరారు కావడంతో ఏర్పాట్లపై ప్రభుత్వ ప్రధాన కార్యదర్శి ఎస్‌పి సింగ్ మంగళవారం సంబంధిత అధికారులతో చర్చించారు.

హైదరాబాద్, డిసెంబర్ 12: ఉమ్మడి మహబూబ్‌నగర్ జిల్లాలోని కల్వకుర్తి ఎత్తిపోతల ప్రాజెక్టు పనులన్నీ వచ్చే జూన్ నాటికి పూర్తి చేయాలని నీటిపారుదలశాఖ మంత్రి టి హరీశ్‌రావు అధికారులను ఆదేశించారు. కల్వకుర్ది ప్రాజెక్టుకు గతంలో విధించిన గడువులోగా పనులన్నీ పూర్తి చేయాలని ఎలాంటి అలసత్వాన్ని సహించేది లేదని మంత్రి హెచ్చరించారు. జలసౌధలో మంగళవారం కల్వకుర్తి ఎత్తిపోతల పథకం పనులను మంత్రి సమీక్షించారు.

నాగర్‌కర్నూల్, డిసెంబర్ 12: తీవ్రమైన కరవుతో రైతులు అల్లాడిపోతున్నా వారి గోడును కేసీఆర్ ప్రభుత్వం పట్టించుకోవడంలేదని, ప్రచార ఆర్భాటాలతో ప్రజలను మభ్యపెడుతున్నారని మాజీ మంత్రి, బీజేపీ జాతీయ కార్యవర్గ సభ్యుడు నాగం జనార్దన్‌రెడ్డి రాష్ట్ర ప్రభుత్వంపై తీవ్ర స్థాయిలో ధ్వజమెత్తారు.