హైదరాబాద్, డిసెంబర్ 13: ప్రపంచ తెలుగు మహాసభలకు సన్నాహక కేంద్రాలుగా గ్రంథాలయాలను వినియోగిస్తున్నామని రాష్ట్ర గ్రంథాయల పరిషత్ అధ్యక్షుడు, ప్రపంచ తెలుగు మహాసభల కోర్ కమిటీ సభ్యుడు అయిన ఆయాచితం శ్రీధర్ తెలిపారు. బుధవారం ఆయన ఇక్కడ ఆంధ్రభూమి ప్రతినిధితో మాట్లాడుతూ, ప్రపంచ తెలుగు మహాసభలకోసం గ్రంథాయాలన్నింటినీ సన్నాహక, సమాచార కేంద్రాలుగా ఉపయోగిస్తున్నామన్నారు.

హైదరాబాద్, డిసెంబర్ 13: భారత్‌కు వచ్చే విదేశీయులపై దాడులు తగ్గాయి. ఉన్నత విద్య, వ్యాపారం, ఉద్యోగాల వీసాపై వచ్చే విదేశీయులపై గత రెండేళ్లతో పోలిస్తే, 2016లో విదేశీయులపై దాడులు తగ్గాయని క్రైం రికార్డ్స్ ఆఫ్ బ్యూరో (ఎన్‌ఆర్‌సీబీ)లో వెల్లడైంది. దేశంలోని మొత్తం 29 మెట్రో నగరాల్లో విదేశీయులపై 191 దాడులు 38 కేసుల నమోదుతో మహారాష్ట్ర ప్రథమ స్థానంలో ఉంది.

హైదరాబాద్, డిసెంబర్ 13: టిఆర్టీ పరీక్షలు రాసే అభ్యర్ధులకు టి శాట్ ప్రత్యక్ష ప్రసారాలు ద్వారా ప్రత్యేక శిక్షణ తరగతులు ప్రసారం చేయనున్నట్టు టి శాట్ సిఇఓ ఆర్ శైలేష్‌రెడ్డి చెప్పారు. బుధవారం నాడు ఆయన పాత్రికేయులతో మాట్లాడుతూ ఈ ప్రత్యక్ష ప్రసారాలు 14వ తేదీ నుండి ప్రసారం అవుతాయని అన్నారు. రోజుకు 10 గంటలు చొప్పున, 80 రోజుల పాటు వెయ్యి గంటల పాటు ప్రసారం చేస్తామని ఆయన పేర్కొన్నారు.

హైదరాబాద్, డిసెంబర్ 13: శంషాబాద్ అంతర్జాతీయ విమానాశ్రయంలో భద్రతా సిబ్బంది హై అలెర్ట్ ప్రకటించారు. లక్నోకు చెందిన షోయబ్ అనే యువకుడి ఐసిస్‌తో సంబంధాలున్నాయని, ఢిల్లీ నుంచి జెద్దా వెళ్తున్నాడని, ఎప్పుడైనా..ఎక్కడైనా ఏదో ఓ విమానాన్ని హైజాక్ చేసే యోచనలో ఉన్నట్టు ఓ మహిళ సమాచారం మేరకు నిఘా వర్గాలు అప్రమత్తమయ్యాయి. బుధవారం ఫోన్ ద్వారా సమాచారమిచ్చిన మహిళ జమ్ము నుంచి మాట్లాడినట్టు సమాచారం.