హైదరాబాద్, జూలై 16: గత నెల 7న కూకట్‌పల్లి నిజాంపేటలో అదృశ్యమైన పదోతరగతి విద్యార్థిని పూర్ణిమ సాయి ఆచూకీ లభించింది. 40 రోజుల క్రితం అదృశ్యమైన పూర్ణిమను ముంబయి పోలీసులు అదుపులో తీసుకుని బాలసుధార్‌కు తరలించారు. అనంతరం హైదరాబాద్ పోలీసులకు సమాచారం ఇచ్చారు. గత నెల 14న ఉదయం స్కూల్‌కు వెళ్తున్నానని చెప్పిన పూర్ణిమ తిరిగి ఇంటికి రాలేదు. దీంతో పూర్ణిమ తల్లిదండ్రులు పోలీసులకు ఫిర్యాదు చేశారు.

హైదరాబాద్, జూలై 16: రాష్టప్రతి ఎన్నికలకు జరిగే పోలింగ్‌లో ఎక్కడా పొరపాట్లు జరుగకుండా ఈ ప్రక్రియపై ఎమ్మెల్యేలకు పూర్తి అవగాహన కల్పించాలని పార్టీ సీనియర్ నేతలను ముఖ్యమంత్రి ఆదేశించారు. ఆదివారం జరిగిన మాక్ పోలింగ్‌కు హాజరుకాని వారి కోసం మరోసారి సోమవారం ఉదయం మాక్ పోలింగ్ నిర్వహించాల్సిందిగా ముఖ్యమంత్రి సూచించారు.

వరంగల్, జూలై 16: సంక్షోభంలో ఉన్న రైతాంగాన్ని ఆదుకునే పేరిట ప్రభుత్వం గ్రామస్థాయి నుంచి ఏర్పాటు చేయతలపెట్టిన రైతు సమాఖ్య వ్యవస్థ ఫార్సు అని, అవి ఓటు బ్యాం కుగా ప్రభుత్వానికి ఉపయోగపడటం తప్ప రైతులకు చేసే ప్రయోజనం ఏమీ ఉండదని తెలంగాణ జెఎసి చైర్మెన్ ప్రొఫెసర్ కోదండరాం అన్నారు.

వనపర్తి, జూలై 16: కాంగ్రెస్ పార్టీ, పార్టీ అధినేత్రి సోనియాగాంధీ భిక్ష వల్లే నేడు టిఆర్‌ఎస్ అధికారంలోకి వచ్చిందన్న వాస్తవాన్ని గుర్తించి యువరాజు కెటిఆర్, సేనాధిపతి హారీష్‌రావులు నోరును అదుపులో పెట్టుకొని మాట్లాడాలని ఏఐసిసి కార్యదర్శి, వనపర్తి ఎమ్మెల్యే డాక్టర్ జి.చిన్నారెడ్డి అన్నారు. ఆదివారం వనపర్తిలోని ఆయన నివాసంలో ఏర్పాటు చేసిన విలేఖరుల సమావేశంలో మాట్లాడారు.