పటన్‌చెరు, జూన్ 19: ప్రత్యేక తెలంగాణ రాష్ట్రం అభివృద్ధి పథంలో దూసుకుపోతోందని భారీ నీటిపారుదల శాఖ మంత్రి తన్నీరు హరీశ్‌రావు స్పష్టం చేసారు. బడుగు బలహీనవర్గాల ఆర్థిక అభ్యున్నతి కోసం చేపట్టిన సంక్షేమ పథకాల అమలులో దేశంలోని ఇతర రాష్ట్రాలకు తెలంగాణ ఆదర్శంగా నిలుస్తోందన్నారు. సంగారెడ్డి జిల్లా పటన్‌చెరు పట్టణ శివారులో నూతనంగా నిర్మించిన హైలెవల్ బ్రిడ్జిని సోమవారం మంత్రి ప్రారంభించారు.

సుల్తానాబాద్, జూన్ 19: పెద్దపల్లి జిల్లా ఓదెల మండలం పొత్కపల్లి రైల్వేస్టేషన్ సమీపంలో సోమవారం తెల్లవారుజామున కురిసిన భారీ వర్షానికి మినీ మైక్రో టవర్‌పై పిడుగు పడింది. దీంతో సిగ్నల్ సిస్టమ్ ఆగిపోవడంతో దాదాపు ఆరు గంటల పాటు ఎక్స్‌ప్రెస్, ప్యాసింజర్, ఇతర గూడ్స్ రైళ్లు ఎక్కడికక్కడే నిలిచిపోయాయి.

న్యూఢిల్లీ, జూన్ 19: మహాత్మా గాంధీ జాతీయ గ్రామీణ ఉపాధి హామీ పథకం అమలులో అత్యుత్తమ ప్రగతి కనబర్చినందుకు తెలంగాణ జాతీయ స్థాయిలో ఐదు అవార్డులు దక్కించుకుంది. ఢిల్లీ విజ్ఞాన్ భవన్‌లో గ్రామీణాభివృద్ధి, పంచాయితీరాజ్ శాఖ మంత్రి నరేంద్ర సింగ్ తోమర్ అధ్యక్షతన జరిగిన కార్యక్రమంలో అవార్డుల ప్రదానోత్సవం జరిగింది.

హైదరాబాద్, జూన్ 19: తెలంగాణ జెఎసి ఈ నెల 21న సిద్దిపేటలో ‘అమరుల స్ఫూర్తి యాత్ర’కు శ్రీకారం చుట్టనున్నది. ఆ రోజున ఉదయం 7 గంటలకు నగరంలోని అసెంబ్లీ ఎదురుగా ఉన్న అమర వీరుల స్థూపం వద్ద టి.జెఎసి చైర్మన్ ప్రొఫెసర్ ఎం. కోదండరామ్ ప్రభృతులు అమర వీరులకు నివాళి అర్పిస్తారు. అనంతరం వారు సిద్దిపేటకు చేరుకుంటారు. అక్కడి నుంచి ప్రారంభమై 24వ తేదీ వరకు సిద్దిపేట, మెదక్ జిల్లాల్లో కొనసాగుతుంది.