హైదరాబాద్, ఏప్రిల్ 9: ప్రజా సమస్యలపై టిజెఎసి చేస్తున్న పోరాటాలకు సామాజికవేత్త మేధా పాట్కర్ మద్దతు ప్రకటించారు. హైదరాబాద్‌కు వచ్చిన ఆమె ఆదివారం టిజెఎసి చైర్మన్ ప్రొఫెసర్ ఎం.కోదండరామ్‌తో ఆయన నివాసంలో భేటీ అయ్యారు. నిరుద్యోగులతో టిజెఎసి నిర్వహించాలనుకున్న ర్యాలీని ప్రభు త్వం అడ్డుకోవడాన్ని ఆమె తీవ్రంగా ఆక్షేపించారు. ప్రభుత్వం నిరంకుశంగా వ్యవహరిస్తున్నదని ఆమె విమర్శించారు.

హైదరాబాద్, ఏప్రిల్ 9: తెలంగాణ పోలీస్ హౌసింగ్ కార్పొరేషన్ చైర్మన్‌గా కోలేటి దామోదర్ గుప్తా ఆదివారం బాధ్యతలు స్వీకరించా రు. హోంమంత్రి నాయి ని నర్సింహారెడ్డి, ఎంపి కవిత, మేయర్ బొంతు రామ్మోహన్, పార్టీ శ్రేణు లు హాజరయ్యారు. రాష్ట్ర ముఖ్యమంత్రి కెసిఆర్ తనపై నమ్మకంతో పోలీ స్ హౌసింగ్ కార్పొరేషన్ చైర్మన్‌గా నియమించినందుకు కోలేటి దామోదర్ గుప్తా కృతజ్ఞతలు తెలిపారు.

హైదరాబాద్, ఏప్రిల్ 9: రాబోయే అసెంబ్లీ ఎన్నికల్లో కాంగ్రెస్ పార్టీ అభ్యర్థుల గెలుపునకు ఎన్‌ఎస్‌యుఐ కృషి చేయాలని టిపిసిసి వర్కింగ్ ప్రెసిడెంట్ భట్టి విక్రమార్క పిలుపునిచ్చారు. ఆదివారం గాంధీభవన్‌లో నిర్వహించిన ఎన్‌ఎస్‌యుఐ 46వ ఆవిర్భావ దినోత్సవ వేడుకల్లో పాల్గొని ఆయన ఎన్‌ఎస్‌యుఐ జెండా ఎగురవేశారు. ఈ సందర్భంగా మాట్లాడుతూ ఎన్‌ఎస్‌యుఐలో పుట్టిన కెసిఆర్ ఇప్పుడు కాంగ్రెస్‌నే విమర్శిస్తున్నారని అన్నారు.

హైదరాబాద్, ఏప్రిల్ 9: తెలుగునాడు ట్రేడ్ యూనియన్ కౌన్సిల్ తెలంగాణ రాష్ట్రంలో ఏడు జిల్లాలకు కమిటీలను నియమించింది. ఎన్టీఆర్ భవన్‌లో రాష్ట్ర అధ్యక్షుడు బి.ఎన్.రెడ్డి అధ్యక్షతన జరిగిన సమావేశంలో ఈ కమిటీలను ప్రకటించారు. రానున్న ప్రపంచ కార్మిక దినోత్సవం సందర్భంగా నిరంతరం కార్మికుల సంక్షేమానికి కృషి చేసిన సీనియర్ నాయకులకు ఎన్టీఆర్ శ్రమ శక్తి అవార్డులు ఇచ్చి సన్మానించాల్సిందిగా నిర్ణయించామని తెలిపారు.