హైదరాబాద్‌ : గణేశ విగ్రహాల నిమజ్జనం సందర్భంగా గురువారం ఉదయం నుంచి శుక్రవారం సాయంత్రం వరకు మద్యం షాపులు, కల్లు దుకాణాలు బంద్‌ ఉంటాయని హైదరాబాద్‌, రాచకొండ, సైబరాబాద్‌ పోలీస్‌ కమిషనర్లు తెలిపారు. బంద్‌ నుంచి స్టార్‌ హోటళ్లలోని బార్లకు మినహాయింపు ఉంది. శుక్రవారం సాయంత్రం 6గంటల తర్వాత మద్యం దుకాణాలు యఽథావిధిగా తెరుచుకోనున్నాయి.

హైదరాబాద్: హైదరాబాద్‌లోని హుస్సేన్‌సాగర్ వద్ద గురువారం ఉదయం నిమజ్జనం కోలాహలం ఊపందుకుంటోంది. వర్షాన్ని సైతం లెక్క చేయకుండా నిమజ్జనంలో అందరూ పాల్గొంటున్నారు. పటిష్ట భద్రతా ఏర్పాట్ల నడుమ బొజ్జ గణపయ్యలు శోభాయమానంగా వూరేగేందుకు సిద్ధమయ్యారు. ఈఏడాది ఖైరతాబాద్ గణేశుడు మొదటగా నిమజ్జనం అవుతుండటంతో పోలీసులు రూట్ క్లియరెన్స్ చేస్తున్నారు.

ఆదిలాబాద్, సెప్టెంబర్ 14: పశ్చిమ మధ్య బంగాళాఖాతంలో ఏర్పడిన అల్పపీడన ద్రోణి ప్రభావంగా బుధవారం జిల్లాలో 6 సెం.మీటర్ల వర్షపాతం నమోదైంది. వాగులు, వంకలు ఉప్పొంగి ప్రవహించగా చెరువులు, జలాశయాలకు వరదనీరు వచ్చిచేరడంతో జలకళను సంతరించుకుంది. ఇప్పటివరకు జిల్లాలో సాధారణ వర్షపాతం 952 మి.మీటర్లు నమోదు కావాల్సి ఉండగా అంతకుమించి 960 మి.మీటర్ల వర్షపాతం నమోదైంది.

హైదరాబాద్, సెప్టెంబర్ 14: తెలంగాణ రాష్ట్రంలో న్యాయాధికారుల సెలవులను ఆమోదించే అధికారాన్ని జిల్లా ప్రిన్సిపల్ కోర్టు ప్రధాన న్యాయమూర్తికే తిరిగి అప్పగిస్తూ హైకోర్టు ఉత్తర్వులు జారీ చేసింది. గతంలో హైకోర్టును విభజించాలని కోరుతూ న్యాయాధికారులు ఆందోళన చేసిన విదితమే. ఈ నేపథ్యంలో న్యాయాధికారుల సెలవులను ఆమోదించే అధికారం హైకోర్టు స్వీకరించింది.