హైదరాబాద్, సెప్టెంబర్ 14: జిల్లాల పునర్విభజనపై తుది నోటిఫికేషన్‌తో పాటు కొత్త జిల్లాలకు కలెక్టర్లు, ఎస్పీలను నియమించాలని ప్రభుత్వం నిర్ణయించింది. ఈమేరకు కలెక్టర్లు, ఎస్పీల ఎంపికపై సిఎం కె చంద్రశేఖర్‌రావు కసరత్తు పూర్తి చేసినట్టు సమాచారం. జిల్లాల పునర్విభజనపై విడుదల చేసిన ముసాయిదాకు ప్రజల నుంచి అభ్యంతరాలు, సూచనలు స్వీకరించడానికి విధించిన గడువు ఈనెల 20తో పూర్తవుతుంది.

హైదరాబాద్, సెప్టెంబర్ 14: ఈ ఖరీఫ్ సీజన్‌లో 30 లక్షల టన్నుల ధాన్యం కొనుగోలు లక్ష్యంగా పెట్టుకున్నట్టు పౌరసరఫరాల మంత్రి ఈటల రాజేందర్ తెలిపారు. నిర్దేశించుకున్న లక్ష్యం నిరుడు సేకరించిన ధాన్యంకంటే రెట్టింపని మంత్రి వివరించారు.

హైదరాబాద్, సెప్టెంబర్ 14: గణేశ మండపాల్లో కొలువుదీరిన గణనాథుల నిమజ్జనోత్సవం గురువారం అంగరంగ వైభవంగా జరుగనుంది. నిమజ్జనంలో ఎలాంటి అవాంఛనీయ సంఘటనలు తలెత్తకుండా 30వేల మంది పోలీసులను మోహరిస్తున్నట్టు నగర పోలీస్ కమిషనర్ మహేందర్‌రెడ్డి వెల్లడించారు. ఇదిలావుంటే, జిహెచ్‌ఎంసి నిమజ్జనోత్సవం పురస్కరించుకుని హైదరాబాద్, రంగారెడ్డి జిల్లాలకు ప్రభుత్వం సెలవు ప్రకటించింది.

హైదరాబాద్‌: సాగునీటి ప్రాజెక్టులపై మహారాష్ట్రతో చేసుకున్న ఒప్పందంతో తెలంగాణకు అన్యాయం జరుగుతుందని.. అందువల్ల ఆ ఒప్పందాన్ని రద్దు చేసేలా చర్యలు తీసుకోవాలని గవర్నర్‌ నరసింహన్‌ను తెలంగాణ తెదేపా కోరింది. టీ. తెదేపా నేతలు ఎల్‌.రమణ, రేవంత్‌రెడ్డి, రావుల చంద్రశేఖర్‌రెడ్డి రాజ్‌భవన్‌లో బుధవారం గవర్నర్‌ను కలిసి ఈ మేరకు వినతిపత్రం అందజేశారు.