హైదరాబాద్, అక్టోబర్ 21: కేంద్ర, రాష్ట్ర ప్రభుత్వాలు తీవ్ర ఆర్థిక కుంభకోణాల్లో కూరుకుపోయాయని సీపీఐ జాతీయ ప్రధాన కార్యదర్శి సురవరం సుధాకర్‌రెడ్డి విమర్శించారు. ఆదివారం ముఖ్దూం భవనంలో సీపీఐ తెలంగాణ రాష్ట్ర కార్యవర్గ సమావేశాలు జరిగాయి. ఈ సందర్భంగా ఆయన మాట్లాడుతూ ప్రభుత్వాల కుంభకోణాలను ప్రజలకు తెలియజేయడానికి వీలులేకుండా మీడి యా మొత్తం అధికార పక్షం చేతిలోనే ఉందని అన్నారు.

హైదరాబాద్, అక్టోబర్ 21: యాసంగి పంటలకు సంబంధించిన రైతుబంధు పథకం సోమవారం నుండి అమల్లోకి వస్తోంది. ఈ పథకం అమలు చేసేందుకు నిధుల కొరత లేదని వ్యవసాయ శాఖ ముఖ్యకార్యదర్శి సి. పార్థసారథి తెలిపారు. ఆదివారం ఆయన ఆంధ్రభూమి ప్రతినిధితో మాట్లాడారు. తొలిరోజు దాదాపు ఐదు లక్షల మంది రైతుల అకౌంట్లలో డబ్బు జమచేసేందుకు ఏర్పాట్లు చేశారు.

భైంసా: టీఆర్‌ఎస్ పాలనలో అన్ని వర్గాల ప్రజలకు అన్యాయం జరిగిందని టీపీసీసీ అధ్యక్షుడు ఉత్తమ్ కుమార్‌రెడ్డి అన్నారు. ఆయన రాహుల్ పాల్గొన్న భైంసా ఎన్నికల సభలో మాట్లాడుతూ డిసెంబర్ 12న వచ్చేది కాంగ్రెస్ ప్రభుత్వమేనని అన్నారు. కేసీఆర్ పాలనలో 4500 మంది రైతులు ఆత్మహత్య చేసుకుంటే ఒక్క కుటుంబాన్ని కూడా పరామర్శించలేదని అన్నారు.

నిర్మల్: తెలంగాణలో తమకు అధికారం కట్టబెడితే అవినీతిలేని తెలంగాణను అందిస్తామని కాంగ్రెస్ పార్టీ అధ్యక్షుడు రాహుల్‌గాంధీ అన్నారు. ఆయన భైంసాలో జరిగిన ఎన్నికల సభలో మాట్లాడుతూ తెలంగాణలో కేసీఆర్, కేంద్రంలో మోదీ ఐదేళ్లు వృధాచేశారని, ఇప్పటికైనా మించిపోయిందేమి లేదని తమను గెలిపిస్తే నిరుద్యోగ భృతీ రూ.3వేలు అందిస్తామని వెల్లడించారు. ప్రజల కలలు సాకారం కావాలంటే కాంగ్రెస్ అధికారం కట్టబెట్టాలని అన్నారు.