మహబూబ్‌నగర్, అక్టోబర్ 15: నాగర్‌కర్నూల్ జిల్లా పరిధిలోని కల్వకుర్తి అసెంబ్లీ నియోజకవర్గానికి తెరాస అధినేత కేసీఆర్.. మాజీ ఎమ్మెల్యే జైపాల్‌యాదవ్‌ను వచ్చే ఎన్నికల్లో రంగంలోకి దింపడానికి అభ్యర్థిత్వాన్ని ఖరారు చేయడాన్ని పార్టీలోని ఓ వర్గం తీవ్రంగా వ్యతిరేకిస్తోంది.

హైదరాబాద్, అక్టోబర్ 15: రాష్ట్రంలో హాస్టళ్లకు అవసరమైన సన్నబియ్యం సేకరించేందుకు పౌరసరఫరాల శాఖ రెండువేలకోట్ల రూపాయలను బ్యాంకుల నుంచి రుణంగా తీసుకునేందుకు ప్రభుత్వం అనుమతి ఇచ్చింది.

హైదరాబాద్, అక్టోబర్ 15: టీడీపీ నేత, మాజీ మంత్రి మల్యాల రాజయ్య సోమవారం కన్నుమూశారు. కొంత కాలం క్రితం రాజయ్య అనారోగ్యానికి గురి కావడంతో కుటుంబ సభ్యులు ఆయన్ను సికింద్రాబాద్‌లోని అపోలో ఆసుపత్రిలో చేర్చించారు. చికిత్స పొందుతూ మధ్యాహ్నం తుది శ్వాస విడిచారు. ఆయనకు ఇద్దరు కుమారులు, ఇద్దరు కుమార్తెలు ఉన్నారు. నాడు ఎన్టీఆర్ పిలుపు మేరకు రాజయ్య టీడీపీలో చేరారు.

హైదరాబాద్: తెరాసా ఎమ్మెల్సీ రాములు నాయక్‌పై తెరాసా వేటు వేసింది. రాములు మెదక్ జిల్లా నారాయణ ఖేడ్ నుంచి పోటీ చేయాలని భావించారు. ఆయనకు సీటు రాకపోవటంతో కాంగ్రెస్‌తో సంప్రదింపులు జరుపుతున్నారు. సోమవారంనాడు భవిష్యత్తు కార్యాచరణ ప్రకటించనున్నట్లు వెల్లడించటంతో తెరాసా ఆయనను పార్టీ నుంచి బహిష్కరిస్తున్నట్లు వెల్లడించింది.