తిరుపతి, జూలై 11: తెలంగాణ టీడీపీ బహిష్కృత నేత మోత్కుపల్లి నరసింహులు శ్రీవారి దర్శనార్థం తిరుమలకు కాలనడకన బయలు దేరి మార్గమధ్యలో గాలి గోపురం వద్ద అస్వస్థతకు గురైయ్యారు. బీపీ తగ్గడంతో కింద పడిపోయిన ఆయన కొద్ది సేపు విశ్రాంతి తీసుకుని తిరుమలకు చేరుకున్నారు. కాని అప్పటికే తీవ్ర అస్వస్థతకు గురైయ్యారు. వెంటనే ఆయన్ను చికిత్స నిమిత్తం అశ్విని ఆస్పత్రికి తరలించి వైద్యం అందిస్తున్నారు.

హైదరాబాద్, జూలై 11: కాళేశ్వరం ప్రాజెక్టుకు జాతీయ హోదా కావాలని కేంద్రాన్ని కోరేందుకు ముఖ్యమంత్రి కే. చంద్రశేఖర్ రావు ఎందుకు భయపడుతున్నారని టిడిపి ప్రధాన కార్యదర్శి ఇ. పెద్దిరెడ్డి ప్రశ్నించారు. బుధవారం ఎన్టీఆర్ భవన్‌లో టి.టిడిపి అధ్యక్షుడు ఎల్. రమణ అధ్యక్షతన వర్క్ షాప్ జరిగింది. విభజన చట్టం ప్రకారం తెలంగాణ రాష్ట్రానికి రావాల్సిన అంశాల గురించి, ప్రభుత్వ నిర్లక్ష్యం గురించి చర్చించారు.

నాగర్‌కర్నూల్, జూలై 10: పరిపూర్ణానందస్వామి గృహ నిర్బంధాన్ని నిరసిస్తూ హిందూవాహిని ఆధ్వర్యంలో మంగళవారం ర్యాలీ నిర్వహించేందుకు సిద్ధమవుతున్న సమయంలో అనుమతి లేదంటూ పోలీసులు అడ్డుకొని కార్యకర్తలను అదుపులోకి తీసుకొని పోలీస్ స్టేషన్‌కు తరలించారు.

ఆదిలాబాద్, జూలై 10: ఆదిలాబాద్ రిమ్స్ ప్రసూతి వార్డులో తల్లి ఒడిలో నిద్రిస్తున్న ఆరు రోజుల పసికందు అపహరణకు గురైన రెండు గంటల వ్యవధిలోనే నిందితులు పోలీసులకు పట్టుబడ్డ సంఘటన అలజడి రేపింది. వివరాల్లోకి వెళ్తే.. ఆదిలాబాద్ జిల్లా నార్నూర్ మండలం చోర్‌గాం గ్రామానికి మమత తొలికాన్పు కోసం ఈనెల 2న రిమ్స్ ఆసుపత్రిలో చేరగా 4వ తేదీన మగ బిడ్డకు జన్మనిచ్చింది.