మందమర్రి, జూన్ 30: మందమర్రి ఏరియా గనులు జూన్ మాసం లో 37 శాతం ఉత్పత్తి సాధించడం జరిగిందని ఏరియా జీఎం రాఘవులు పేర్కొన్నారు. శనివారం జీఎం ఛాంబర్‌లో ఏర్పాటు చేసిన విలేకరుల సమావేశంలో ఆయన మాట్లాడుతూ 4లక్షల 43వేల టన్నుల బొగ్గు ఉత్పత్తి లక్ష్యానికి గాను 1 లక్ష 38 వేల 64 టన్నుల బొగ్గు ఉత్పత్తి సాధించడం జరిగిందని ఆయన పేర్కొన్నారు.

హైదరాబాద్, జూన్ 29: తీగలాగితే డొంక కదిలినట్లు నకిలీ వేలిముద్రల నిందితుడిని విచారిస్తే సిమ్ కార్డులే కాదు, రేషన్ సరుకులకు భారీగా ఎసరు పెట్టినట్లు తెలుస్తోంది. భూ దస్త్రాల రికార్డుల నుంచి వేలిముద్రలను డౌన్‌లోడ్ చేసుకుని తద్వారా వేలాది సిమ్‌కార్డులు యాక్టివేట్ చేసిన నిందితుడిని ఐబి, కౌంటర్ ఇంటిలిజెన్స్ పోలీసులు లోతుగా విచారించారు. రెండు రోజుల పోలీసు కస్టడీలో అనేక విషయాలను రాబట్టారు.

పటన్‌చెరు, జూన్ 29: తెలంగాణ ముఖ్యమంత్రి కెసిఆర్ ఓ నియంతలా వ్యవహరిస్తున్నారని బీజేపీ రాష్ట్ర అధ్యక్షుడు డాక్టర్ లక్ష్మణ్ దుయ్యబట్టారు. అధికారం చేపట్టిన నాటి నుండి ఆయన అరాచకాలకు అంతే లేకుండా పోయాయన్నారు. శుక్రవారం సంగారెడ్డి జిల్లా పటన్‌చెరులో ఆయన విలేఖర్ల సమావేశంలో మాట్లాడుతూ ప్రభుత్వ పనితీరుపై తీవ్ర స్థాయిలో విరుచుకుపడ్డారు.

బాసర, జూన్ 29: నిర్మల్ జిల్లా పరిధిలోని బాసర అమ్మవారి క్షేత్రం అధికారులు, అర్చకుల నిర్లక్ష్యం, ఆలయం దక్షిణ, ఉత్తర రాజగోపురాల కలశాలపై తొడుగులు లేకపోవడాన్ని గమనించిన శ్రీ శృంగేరి జగద్గురు విధుశేఖర భారతీస్వామీజీ దక్షిణ, ఉత్తర రాజగోపురాలపై గల శిలాక్షరాలపై వచ్చేనెల ఐదో తేదీ సప్తమిన ప్రత్యేక పూజలు నిర్వహించాలని ఆలయ అర్చకులకు సూచించినట్లు ఆలయ ప్రత్యేకాధికారి ఎ.సుధాకర్‌రెడ్డి తెలిపారు.