సూర్యాపేట రూరల్, మే 18: అధికారంలో ఉన్న సమయంలో రైతుల సమస్యలు పట్టించుకోకుండా నేడు టీఆర్‌ఎస్ ప్రభుత్వం దేశంలో ఎక్కడాలేని విధంగా రైతుల శ్రేయస్సు కోసం రైతుబంధు పథకాన్ని అమలు చేస్తుంటే దిగజారి విమర్శలు చేస్తున్న కాంగ్రెస్ నేతలకు కర్రుకాల్చి వాతలు పెట్టేందుకు ప్రజలంతా సిద్ధంగా ఉన్నారని విద్యుత్‌శాఖ మంత్రి గుంటకండ్ల జగదీశ్‌రెడ్డి అన్నారు.

హైదరాబాద్, మే 18: కర్నాటకలో బిజెపి ప్రజాస్వామ్యాన్ని ఖూనీ చేస్తున్నదని తెలంగాణ కాంగ్రెస్ నాయకులు శుక్రవారం రాష్ట్ర వ్యాప్తంగా ఆందోళనలు నిర్వహించారు. మరోవైపు రాష్టప్రతికి ఫిర్యాదు చేస్తూ లేఖ పంపించారు. హైదరాబాద్‌లో గవర్నర్ నరసింహన్‌ను కలిసి వినతి పత్రం అందజేశారు. ఉదయం అసెంబ్లీ ఎదురుగా ఉన్న గన్‌పార్కు వద్ద నిరసన ప్రదర్శన నిర్వహించారు.

హైదరాబాద్, మే 18: తెలంగాణ రాష్ట్రంలో త్వరలో జరగబోయే పంచాయతీరాజ్ సంస్థల ఎన్నికలకు అవసరమైన బిసి లెక్కలను గతంలో నిర్వహించిన సమగ్ర సర్వే గణనను పరిగణనలోకి తీసుకోవాలని జాతీయ బిసి సంక్షేమ సంఘం అధ్యక్షుడు ఆర్.కృష్ణయ్య సిఎం కెసిఆర్‌ను కోరారు. కొత్తగా ఇంటింటికీ తిరిగి బిసి జనాభా లెక్కలు సేకరించడం సరికాదని, ఈ నిర్ణయాన్ని ప్రభుత్వం ఉపసంహరించుకోవాలని కోరారు.

హైదరాబాద్, మే 18: కర్నాటక రాష్ట్ర ఎన్నికల ఫలితాల తర్వాత ఏ పార్టీకీ మెజారిటీ సంపూర్ణమైన రాకపోవడంతో గంట, గంటకూ మారుతున్న రాజకీయాలతో ఉత్కంఠ నెలకొంటున్నది. అయితే శనివారం బలనిరూపణ చేసుకోవాల్సిందిగా సుప్రీం కోర్టు శుక్రవారం ఆదేశించడంతో ఆ రాష్ట్ర గవర్నర్ ప్రొటెం స్పీకర్‌గా బోపయ్యను నియమించారు. దీంతో గవర్నర్ నిర్ణయాన్ని జెడిఎస్, కాంగ్రెస్ నేతలు తప్పుపడుతున్నారు.