జూన్ 24, 2016న విడుదలైన ‘ఒక మనసు’ నాకు ఎంతగానో వచ్చింది. హృదయాన్ని మాటలతో సంగీతంతో తాకిడి చేసే సినిమా, సంగీత పరవశంలా హాయిగా సాగుతుంది. ఇందులో హీరోయిన్‌గా నటించిన నిహారిక చిన్న చిన్న మాటలతో, ప్రేమతో పలికిన హావభావాలకి ఫ్లాట్ అయిపోవచ్చు ఎవరైనా. చివరి సన్నివేశంలో ఎవరైనా కంటతడి పెట్టాల్సిందే. దర్శకుడు రామరాజు తెరకెక్కించిన విధానం అద్భుతం. హీరోగా నాగశౌర్యను ఒక మెట్టు ఎక్కించిన సినిమా.

బాలీవుడ్ డస్కీ బ్యూటీ బిపాసా బసు ఈ మధ్యకాలంలో సినిమాల్లో కనిపించడం మానేసింది. గతేడాది పెళ్లి చేసుకున్న ఈ భామకు అప్పటి నుంచి సిల్వర్ స్క్రీన్‌పై మెరవనేలేదు. అలాగని ఈమెకు ఏమీ నటనకు స్వస్తి పలకాలనే ఆలోచనలు కూడా లేవు. కానీ అవకాశాలు ఆమె చెంతకు చేరడం లేదంతే. పెళ్లి చేసుకున్న తర్వాత అవకాశాలు రావడం కాసింత కష్టమే. కానీ బాలీవుడ్‌లో అలాంటి పట్టింపులు అంతగా ఉండవు.

‘ప్రేమమ్’ చిత్రంతో దూసుకువచ్చిన మలయాళీ బ్యూటీ అనుపమా పరమేశ్వరన్ తెలుగు ప్రేక్షకులని కూడా మాయ చేస్తోంది. తెలుగులో అనుపమ నటించిన అన్ని చిత్రాలలో ఆమె నటనకు మంచి మార్కులు పడ్డాయి. ముఖ్యంగా యూత్‌లో ఈ బ్యూటీకి మంచి క్రేజ్ ఏర్పడింది. దీనితో ఆమెకు వరుసగా ఆఫర్లు వస్తున్నాయి. తాజాగా విడుదలైన ‘ఉన్నది ఒక్కటే జిందగీ’లో కూడా అనుపమ నటనే హైలెట్‌గా నిలిచింది.

ప్రస్తుతం టాలీవుడ్‌లో మెహరీన్ హవా నడుస్తోంది. కృష్ణగాడి వీరప్రేమగాధ, మహానుభావుడు, రాజా ది గ్రేట్ ఇలా ఆమె చేసిన సినిమాలన్నీ వరుసగా విజయాలు సాధిస్తుండడంతో మంచి అవకాశాలు ఆమెను వెతుక్కుంటూ వస్తున్నాయి. ఇప్పటికే మెహరీన్ నటించిన ‘జవాన్’ విడుదలకు సిద్ధమవుతుండగా, ఇప్పుడు మరొక మాస్ హీరో సినిమాలో కూడా ఆమె అవకాశం దక్కించుకున్నట్లు తెలుస్తోంది.