భీమవరం, డిసెంబర్ 8: మావుళ్లమ్మ అమ్మవారి దేవస్థానంలో పనిచేస్తున్న ఇద్దరు ఉద్యోగులు ఆలయ ప్రాంగణంలో ఘర్షణకు దిగారు. ఈ విషయం తారస్ధాయికి చేరడంతో ధర్మకర్తల మండలి గురువారం అత్యవసర సమావేశాన్ని ఏర్పాటుచేసింది. ఛైర్మన్ కారుమూరి సత్యనారాయణమూర్తి అధ్యక్షతన జరిగిన ఈ అత్యవసర సమావేశంలో ఉద్యోగులను సస్పెండ్ చేస్తూ నిర్ణయాన్ని తీసుకున్నట్టు ఛైర్మన్ ప్రకటించారు.

తాడేపల్లిగూడెం, డిసెంబర్ 8: ప్రధాని నరేంద్ర మోదీ రూ.500, 1000 నోట్లను రద్దుచేసి నేటికి 30 రోజులు గడుస్తున్నా ప్రజల చిల్లర కష్టాలు తీరలేదు. నెల రోజులుగా తెరుచుకోని ఎటిఎంలు పట్టణంలో అనేకం ఉన్నాయి. బ్యాంకుల్లో నగదు తీసుకోవడానికి వృద్ధులు, వికలాంగులు తీవ్ర ఇబ్బందులు ఎదుర్కొంటున్నారు. మొదటి వారంలో పెన్షన్లు, జీతాలు పడినా డబ్బులు తీసుకునే పరిస్థితి లేకపోవడంతో ప్రజలు ఇబ్బందులు పడుతున్నారు.

న్యూఢిల్లీ, డిసెంబర్ 8: పెద్దనోట్ల రద్దు వ్యవహారంపై ప్రతిపక్షం చేసిన గొడవ, గందరగోళం మూలంగా గురువారం కూడా రాజ్యసభ సక్రమంగా పని చేయలేదు. పెద్దనోట్ల రద్దుపై ప్రభుత్వ వాదన వినిపించేందుకు అవకాశం లభించడం లేదు. మేము ఎవరికి చెప్పుకోవాలి, మా బాధ ఎవరు వింటారు అంటూ సమాచార శాఖ మంత్రి వెం.వెంకయ్యనాయుడు రాజ్యసభలో వాపోయారు. జీరో అవర్‌లో సభాధ్యక్షుడు హమీద్ అన్సారీతో ఈ అంశంపై వాదనకు దిగారు.

న్యూఢిల్లీ, డిసెంబర్ 8: పెద్ద నోట్ల రద్దు నిర్ణయం దేశంలో ఒక వ్యక్తి చేసిన ఆర్థిక విధ్వంసంగా విపక్షాలు తీవ్రస్థాయిలో మోదీ సర్కారుపై గురువారం విరుచుకుపడ్డాయి. పెద్ద కరెన్సీని రద్దు చేసి నెలరోజులైన సందర్భంగా అన్ని విపక్షాల నేతలు పార్లమెంట్ ప్రాంగణంలోని గాంధీ విగ్రహం ముందు బ్లాక్‌డేను పాటించారు.