రాజమహేంద్రవరం, డిసెంబర్ 8: ఆరు నెలల పాటు మేధావులు కసరత్తు చేసి అనుభవజ్ఞులైన నేతలు సైతం ఆమోద ముద్రవేయడంతో నగర ప్రణాళికాబద్ధ అభివృద్ధికి శ్రీకారం చుడుతున్న మాస్టర్ ప్లాన్‌పై ప్రతిపక్ష వైసిపి ప్రజల్లో గందరగోళం సృష్టిస్తోందని నగర అధికార పక్ష తెలుగుదేశం కౌన్సిల్ నేతలు ధ్వజమెత్తారు. దేశం కౌన్సిల్ నేతలు రాజమహేంద్రవర ప్రెస్‌క్లబ్‌లో గురువారం జరిగిన విలేఖరుల సమావేశంలో మాట్లాడారు.

కాకినాడ, డిసెంబరు 8: జిల్లాలోని ప్రతివొక్కరూ విధిగా మొబైల్/స్మార్ట్ఫోన్లు కలిగివుండాలని కలెక్టర్ హనుమంతు అరుణ్‌కుమార్ సూచించారు. రోజూవారీ కూలీలకు కూడా మొబైల్ నగదు బదిలీ చేయాలని ఆయా వర్గాలకు పిలుపునిచ్చారు. రైతులు ఎరువులు కొనుగోలు చేసినపుడు ఆన్‌లైన్ ద్వారా నగదు బదిలీ చేయవచ్చన్నారు. నగదు రహిత లావాదేవీలపై ప్రజలందరూ చైతన్యవంతులు కావాలని పిలుపునిచ్చారు.

మారేడుమిల్లి, డిసెంబర్ 8: జిల్లా ఏజెన్సీ ప్రాంతంలో ప్రజలకు వైద్యసేవలు అందని ద్రాక్షలా తయారయ్యాయని, పిహెచ్‌సిలో వైద్యులు లేక రోగులు తీవ్ర ఇబ్బందులు పడుతున్నారని వైఎస్సార్ కాంగ్రెస్ పార్టీ అధినేత వైఎస్ జగన్ అన్నారు. మారేడుమిల్లి గ్రామంలో వనవిహారి అతిథిగృహంలో బుధవారం రాత్రి ఆయన బసచేశారు. గురువారం ఉదయం ప్రజలతో నిర్వహించిన ఇష్టాగోష్టిలో ఆయన మాట్లాడారు. అనంతరం ఆయన స్థానిక పిహెచ్‌సిని పరిశీలించారు.

కాకినాడ సిటీ, డిసెంబర్ 8: జిల్లాలో వ్యక్తిగత మరుగుదొడ్ల నిర్మాణాలను ముమ్మరం చేయాలని జిల్లా కల్టెర్ హెచ్ అరుణ్‌కుమార్ అధికారులను ఆదేశించారు. ఈనెలాఖరు నాటికి మరో 159 గ్రామాలను బహిరంగ మల విసర్జన రహితంగా ప్రకటించాడానికి తగిన చర్యలు చెపట్టాలన్నారు. గురువారం సాయంత్రం కలెక్టరేట్ కోర్టుహాలులో ఆయన స్వచ్ఛ భారత్ కార్యక్రమాల అమలుకు దత్తత అధికారులుగా నియమించిన అధికారులతో సమావేశాన్ని నిర్వహించారు.