తిరుపతి, జూలై 16: దేశానికి ఉత్తమ పౌరులను అందించే ఉపాధ్యాయ వృత్తిని చేపట్టాలని ఎంతో ఆశగా ఎదురుచూసి, 19 సంవత్సరాలు నిరీక్షించిన 1998 డిఎస్సీ క్వాలిఫైడ్ అభ్యర్థి మారుసాని నాదమునిరెడ్డి తన ఆశలను చంపుకుని శనివారం ఆత్మహత్యకు పాల్పడ్డాడు.

మార్కాపురం, జూలై 16: ప్రకాశం జిల్లా మార్కాపురం వైకాపా ఎమ్మెల్యే జంకె వెంకటరెడ్డిపై ఓ మహిళ ఇచ్చిన ఫిర్యాదు మేరకు కేసు నమోదు చేసినట్లు సిఐ బత్తుల శ్రీనివాసరావు తెలిపారు. సిఐ కథనం మేరకు.. మార్కాపురం మండలంలోని ఎమ్మెల్యే స్వగ్రామమైన వేములకోట గ్రామానికి చెందిన పెద్దక్క అనే మహిళ శనివారం ఓ కేసు విషయంలో జంకె ఇంటికి వెళ్లగా మందలించి గన్‌మేన్‌తో బయటకు నెట్టించారని ఫిర్యాదు చేసిందన్నారు.

గాంగ్టక్/న్యూఢిల్లీ, జూలై 16: స్కూల్ టీచర్‌గా అతి సామాన్యమైన జీవితాన్ని ప్రారంభించి సిక్కిం రాజకీయాల్లో తిరుగులేని రీతిలో రాణించడమే కాకుండా అత్యధిక కాలం పాటు మూడు సార్లు ముఖ్యమంత్రిగా పని చేసిన నర్ బహదూర్ భండారీ (77) ఆదివారం నాడు కన్నుమూశారు. ఆయనకు భార్య దిల్ కుమారి భండారి (మాజీ ఎంపి), ఇద్దరు కుమార్తెలు, కుమారుడు ఉన్నారు. భండారీ మృతి పట్ల ప్రధాని నరేంద్ర మోదీ సంతాపం ప్రకటించారు.

విజయనగరం, జూలై 16: వినోదం ఓ విద్యార్ధి ప్రాణాన్ని బలిగొంది. సరదాగా అరకు చూద్దామని ఆరుగురు స్నేహితులతో బయలుదేరిన ఓ విద్యార్థి సెల్ఫీ తీసుకుంటూ రైల్లోనుంచి జారిపడి ప్రాణాలు కోల్పోయాడు. గుంటూరుకు చెందిన దేశరెడ్డి గోపిరెడ్డి (21) స్నేహితులతో ఆదివారం ఉదయం కిరండల్ రైల్లో అరకు బయలుదేరాడు. ఉదయం 10.30 గంటల సమయంలో సిమిలిగుడా రైల్వే స్టేషన్ పరిధిలోని కరకవలస వద్ద రైలునుంచి జారిపడి మృతిచెందాడు.