గుంటూరు, జూలై 15: ఎస్‌ఆర్‌ఎం విశ్వవిద్యాలయ ప్రారంభోత్సవ సభకు హాజరైన మంత్రి అయ్యన్నపాత్రుడికి చేదు అనుభవం ఎదురైంది. దీంతో ఆయన అలక వహించారు. రాజధాని అమరావతి సమీపంలో నీరుకొండ గ్రామం వద్ద శనివారం వర్శిటీ ప్రారంభోత్సవ కార్యక్రమం జరిగింది. కేంద్ర మంత్రి వెంకయ్య నాయుడు, ముఖ్యమంత్రి చంద్రబాబుతో పాటు పలువురు మంత్రులు, ఎంపిలు, ఎమ్మెల్యేలు వేదికపై ఆశీనులయ్యారు.

హైదరాబాద్, జూలై 15: ప్రస్తుతం టాలీవుడ్‌ను కుదిపేస్తున్న డ్రగ్స్ వ్యవహారంపై దర్శకుడు పూరి జగన్నాథ్ నోరు విప్పారు. ఈ వ్యవహారంలో ప్రధానంగా వినిపిస్తున్న పేరు ఆయనదే కావడం విశేషం. తన ట్విట్టర్ ఖాతా ద్వారా శనివారం ఆయన తన స్పందన తెలియజేశారు. తనపై వస్తున్న ఆరోపణలపై తాను ఇంతవరకూ ఎవరికీ ఎలాంటి వివరణ ఇవ్వలేదని, ఎటువంటి వ్యాఖ్యలు, ప్రకటనలు చేయలేదని పేర్కొన్నారు.

విజయవాడ, జూలై 15: రెండు రోజుల పాటు జరిగే ఎపిపిఎస్సీ గ్రూప్-2 మెయిన్ పరీక్షలు రెండు తెలుగు రాష్ట్రాల్లోని 171 కేంద్రాల్లో ఎంతో ప్రశాంతంగా ప్రారంభమయ్యాయి. తొలిరోజు మధ్యాహ్నం 2.30 గంటలకు పరీక్ష ప్రారంభించగా మొత్తం 49,106 మంది అభ్యర్థులకు గాను 45,287 మంది (92.22 శాతం) హాజరయ్యారు. మొత్తం 982 పోస్టుల భర్తీ కోసం ఈ పరీక్షలు జరుగుతున్నాయి.

అమరావతి, జూలై 15: తెలుగుదేశం పార్టీ బిజెపిని విడిచిపెడితే తాము బిజెపితో కలిసి నడిచేందుకు సిద్ధంగా ఉన్నామంటూ వైసీపీ సీనియర్ నేత బొత్స సత్యనారాయణ చేసిన వ్యాఖ్యలు ఇప్పుడు ఆ పార్టీలో కలకలం సృష్టిస్తున్నాయి. గుంటూరు ప్లీనరీ విజయవంతంతో ఉత్సాహంగా ఉన్న శ్రేణులు, నేతలను బొత్స వ్యాఖ్యలు నిరాశపరిచినట్లు పార్టీ నాయకుల అంతర్గత చర్చలు తెలియజెపుతున్నాయి. ‘టిడిపి-బిజెపి భార్యాభర్తల్లా కలిసి ఉన్నాయి.