హైదరాబాద్, జూన్ 19: భూ కుంభకోణాల్లో తన పేరు ఉన్నట్లు నిరూపిస్తే రాజకీయాలకు స్వస్తి చెబుతానని వైఎస్సార్ కాంగ్రెస్ పార్టీ నాయకుడు, మాజీ మంత్రి బొత్స సత్యనారాయణ తెలిపారు. ముఖ్యమంత్రి చంద్రబాబు నాయుడు, ఆయన తనయుడు రాష్ట్ర మంత్రి నారా లోకేష్ అధ్వర్యంలో జరిగిన అతి పెద్ద భూ కుంభకోణమని బొత్స సోమవారం విలేఖరుల సమావేశంలో విమర్శించారు.

విజయవాడ, జూన్ 19: గిరిజన ప్రాంతాల్లో మంచినీటి అవసరాల కోసం ముఖ్యమంత్రి ప్రత్యేక అభివృద్ధి నిధి నుంచి రూ. 105 కోట్లు విడుదల చేస్తామని ప్రభుత్వ ప్రధాన కార్యదర్శి దినేష్‌కుమార్ తెలిపారు. వెలగపూడి సచివాలయం బ్లాక్ 1లోని సమావేశమందిరంలో సోమవారం సాయంత్రం వివిధ సంక్షేమ శాఖలు, గురుకుల పాఠశాలలు, విద్యార్థి వసతి గృహాలకు సంబంధించిన అంశాలను సమీక్షించారు.

విజయవాడ, జూన్ 19: ఎన్‌డిఏ రాష్టప్రతి అభ్యర్థిగా రామ్‌నాథ్ కోవింద్ ఎంపిక పూర్తయిన మరుక్షణమే బిజెపి జాతీయ అధ్యక్షుడు అమిత్‌షా సోమవారం రాష్ట్ర ప్రతిపక్ష నాయకుడు, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్‌కు ఫోన్ ద్వారా ఆ విషయాన్ని తెలియపరిచారు. వెంటనే జగన్ స్పందిస్తూ అత్యున్నత పదవికి అత్యున్నత ఎంపిక అంటూ తప్పక మద్దతు నివ్వగలనన్నారు.

విజయవాడ, జూన్ 19: ఆంధ్రప్రదేశ్ రాష్ట్రంలోని జాతీయ, రాష్ట్ర రహదారుల వెంబడి 500 మీటర్ల పరిధిలోని మద్యం దుకాణాల తొలగింపునకు కౌంట్‌డౌన్ ప్రారంభమైంది. ప్రధాన రహదారుల వెంబడి సర్వీస్ రోడ్లను కూడా పరిగణనలోకి తీసుకుని అక్కడ నుంచి 500 మీటర్ల దూరంలో వైన్‌షాపులు గాని, బార్ అండ్ రెస్టారెంట్లు గాని ఉండకూడదంటూ అత్యున్నత న్యాయస్థానం సుప్రీంకోర్టు కొన్ని నెలల క్రితమే ఆదేశాలు జారీ చేసింది.