గుంటూరు : అమరావతి మండలం ధరణికోటలో బుధవారం కృష్ణానదిలో మునిగి గుడివాడకు చెందిన మహేశ్‌(25), దుర్గ(27) మృతి చెందారు. స్థానిక బేకరీలో మిఠాయిలు తయారు చేసేందుకు వీరు అమరావతికి వచ్చారు. ఎస్తేరు అనే యువతి బట్టలు ఉతికేందుకు నదికి రావడంతో ఆమెతో పాటు నదిలో స్నానం చేసేందుకు వీరు వచ్చారు. ఈతకు దిగే ముందు వీరు మద్యం సేవించినట్లు ఎస్తేరు తెలిపింది.

విశాఖ : పశ్చిమ మధ్య బంగాళాఖాతంలో 48 గంటల్లో ఉపరితల ఆవర్తనం ఏర్పడే అవకాశం ఉందని, ఆవర్తనం మరింత బలపడి అల్పపీడనంగా మారే అవకాశముందని వాతావరణ శాఖ కేంద్రం తెలిపింది. తెలిపింది. దీని ప్రభావంతో 26న ఉత్తర కోస్తాలో పలు చోట్ల, 27న కోస్తా అంతటా వర్షాలు కురిసే అవకాశం ఉంది.

విజయవాడ, ఆగస్టు 23: గోదావరి పుష్కరాల్లో ఎదురైన చేదు అనుభవాలను దృష్టిలో వుంచుకుని రాష్ట్ర ముఖ్యమంత్రి నారా చంద్రబాబునాయుడు ప్రతిష్టాకరంగా భావించిన కృష్ణా పుష్కరాలు విజయవంతంగా ముగిసాయి. అయితే చెదురుమదురు ఘటనలు మినహా ఎక్కడా ఎలాంటి అవాంఛనీయ ఘటనలు చోటుచేసుకోలేదు.

కర్నూలు, ఆగస్టు 23 : కృష్ణా పుష్కరోత్సవాలు మంగళవారం నాటితో ముగిశాయి. గత 12 రోజులుగా కర్నూలు జిల్లాలోని ప్రసిద్ధ పుణ్యక్షేత్రాలైన శ్రీశైలం, సంగమేశ్వరంతో పాటు నెహ్రూనగర్, ముచ్చుమర్రి గ్రామాల్లో ఏర్పాటు చేసిన పుష్కరఘాట్‌లలో మొత్తం 14.81 లక్షల మంది పుణ్యస్నానాలు చేసినట్లు అధికారులు ప్రకటించారు. అలాగే లక్షలాది మంది పితృదేవతలకు పిండ ప్రదానాలు చేశారు.