విజయవాడ, జనవరి 2: విశాఖపట్నం - చెన్నై పారిశ్రామిక కారిడార్ పనులు ఇక వేగవంతం కానున్నాయి. ఇందులో భాగమైన సామర్లకోట - రాజానగరం రోడ్డు వెడల్పు పనులకు ముఖ్యమంత్రి చంద్రబాబు శుక్రవారం శంకుస్థాపన చేయనున్నారు. రెండు లేన్ల రహదారిని నాలుగు లేన్ల రహదారిగా ఈ ప్రాజెక్టులో మారుస్తారు. 30 నెలల్లో పూర్తి కావాల్సిన ఈ ప్రాజెక్టుకు రూ. 300.28 కోట్లు ఖర్చవుతాయి.

విజయవాడ (కార్పొరేషన్), జనవరి 2: శ్రీ్భగ్ ఒప్పందం ప్రకారం రాయలసీమలో రాష్ట్ర హైకోర్టును ఏర్పాటు చేయకపోవడం చారిత్రిక తప్పిదమేనని పీసీసీ ఉపాధ్యక్షుడు ఎన్ తులసిరెడ్డి పేర్కొన్నారు. బుధవారం నగరంలోని ఆంధ్రరత్నభవన్‌లో నిర్వహించిన విలేఖరుల సమావేశంలో ఆయన మాట్లాడుతూ రాష్ట్ర విభజనలో భాగంగా జరిగిన హైకోర్టు విభజన ప్రక్రియలో అధికార వికేంద్రీకరణ సూత్రాన్ని విస్మరించడం శోచనీయమన్నారు.

విశాఖపట్నం, జనవరి 2: టీడీపీ ప్రభుత్వం బీసీలకు రాజకీయాల్లో సముచిత స్థానం కల్పించ లేదని, సంక్షేమ పథకాల మంజూరులోనూ విఫలమైందని వైసీపీ బీసీ అధ్యయన కమిటీ రాష్ట్ర అధ్యక్షుడు జంగా కృష్ణమూర్తి ఆరోపించారు. బీసీ కులాలు, వర్గాల్లోని సమస్యలను తెలుసుకునేందుకు విశాఖ వచ్చిన కమిటీ సభ్యుల బృందం బుధవారం బీసీ సంఘాల నాయకులతో రౌండ్‌టేబుల్ సమావేశం నిర్వహించింది.

విజయవాడ, జనవరి 2: రాష్ట్రంలో 110 పురపాలక సంఘాల పరిధిలో 970 ప్రాంతాల్లో ఉచిత వైఫై సేవలు ఫిబ్రవరి 15 నాటికి అందుబాటులోకి రానున్నాయి. వెలగపూడి సచివాలయంలో ఏపీ డిజిటల్ ఇన్ఫా, ఏపీ ఫైబర్ నెట్ కార్యకలాపాలపై రాష్ట్ర ప్రభుత్వ ప్రధాన కార్యదర్శి(సీఎస్) అనిల్ చంద్ర పుణేఠా బుధవారం సమీక్ష నిర్వహించారు.