శ్రీకాకుళం, జూలై 21: పొరుగు రాష్ట్రం ఒడిశా ఎగువ ప్రాంతంలో కురుస్తున్న కుండపోత వర్షాలతో శ్రీకాకుళం జిల్లాలో వంశధార, నాగావళి నదులు ఉగ్రరూపం దాల్చాయి. మరో 24 గంటల్లో వరద భయం ఉండొచ్చని జిల్లా యంత్రాంగం హెచ్చరికలు జారీ చేసింది. కలెక్టర్ కార్యాలయంలో కంట్రోల్ రూంను ఏర్పాటు చేసి ఎప్పటికప్పుడు సమాచారాన్ని సేకరిస్తూ, నాగావళి, వంశధార నదుల పరీవాహక ప్రాంతాల్లో గ్రామాలను ఖాళీ చేయిస్తున్నారు.

అమరావతి, జూలై 21: కేంద్రప్రభుత్వంపై అవిశ్వాస పర్వం ముగిసిన నేపథ్యంలో రాష్ట్ర విభజన హక్కుల సాధన కోసం ఇకపై న్యాయపోరాటం చేయాలని తెలుగుదేశం పార్టీ నిర్ణయించింది. అవిశ్వాస తీర్మానంపై చర్చ సందర్భంగా ప్రధానమంత్రి నరేంద్రమోదీ, హోంమంత్రి రాజ్‌నాథ్‌సింగ్ ఇచ్చిన వివరణను ప్రజలు నిశితంగా గమనిస్తున్నారని, రేపటి నుంచి లోక్ సభలో ఆందోళన తీవ్రతరం చేయాలని ఎంపీలకు ముఖ్యమంత్రి చంద్రబాబునాయుడు దిశానిర్దేశం చేశారు.

విజయవాడ, జూలై 20: అవిశ్వాస తీర్మానం సందర్భంగా లోక్‌సభలో కేంద్ర ప్రభుత్వం వ్యవహరించిన తీరుకు రాష్ట్ర వ్యాప్తంగా నిరసనలు వెల్లువెత్తగా... వివిధ రూపాల్లో అవిశ్వాసానికి మద్దతు వ్యక్తమయింది. ఈ సందర్భంగా దేవాలయాల్లో పూజలు, మానవహారాలు, ధర్నాలు, ప్రదర్శనలు, ప్లెక్సీలు, కాగడాల ప్రదర్శనలు హోరెత్తాయి. అత్యధిక ప్రజలు టీవీలకే అతుక్కుపోయారు.

విజయవాడ, జూలై 20: డిమాండ్‌ల సాధన నిమిత్తం ఆలిండియా మోటార్ ట్రాన్స్‌పోర్టు కాంగ్రెస్ పిలుపు మేరకు దేశవ్యాప్తంగా లారీ యజమానులు చేపట్టిన నిరవధిక సమ్మె తొలిరోజు శుక్రవారం ఆంధ్రప్రదేశ్‌లో విజయవంతమైంది. దాదాపు మూడున్నర లక్షల లారీలు, ట్యాంకర్‌లు, మినీలారీలు, ఇతర రవాణా వాహనాలు ఉండగా అందులో 90శాతం సమ్మెలో పాల్గొన్నాయి. లారీల సమ్మెతో జాతీయ రహదారులు వెలవెలపోతూ కన్పించాయి.