విశాఖపట్నం, జూలై 13: వాయువ్య బంగాళాఖాతంలో ఏర్పడిన అల్పపీడన ద్రోణి స్థిరంగా కొనసాగుతోంది. దీనికి అనుబంధంగా నైరుతి దిశలో 7.6 కిమీ ఎత్తున ఉపరితల ఆవర్తనం నెలకొందని విశాఖ వాతావరణ కేంద్రం అధికారులు శుక్రవారం రాత్రి తెలిపారు. దీని ప్రభావంతో రాగల 24 గంటల్లో రాష్ట్రంలోని పలు ప్రాంతాల్లో జల్లులు, ఉరుములతో కూడిన మోస్తరు వర్షాలు కురుస్తాయని వాతావరణ కేంద్రం అధికారులు తెలిపారు.

విజయవాడ, జూలై 13: రాష్ట్ర జనాభాలో దాదాపు 25 లక్షల మందిపైగా విస్తరించి ఉన్న గిరిజనులకు గత నాలుగున్నర సంవత్సరాలుగా మంత్రివర్గంలో కనీస ప్రాతినిధ్యం లేకపోవటం పై ఆ వర్గంలో అసంతృప్తి వ్యక్తమవుతోంది. 2014 ఎన్నికల్లో గిరిజనుల్లో అత్యధిక మంది వైకాపాను ఆదరించడమే దీనికి కారణంగా భావిస్తున్నారు. పదేళ్ల కాంగ్రెస్ ప్రభుత్వంలో తెలంగాణకు చెందిన రెడ్యా నాయక్, ఉత్తరాంధ్రకు చెందిన బాలరాజు మంత్రివర్గంలో కొనసాగారు.

విజయవాడ, జూలై 13: ప్రపంచ దేశాల్లో ఎక్కడా లేనంత వేగంతో అమరావతి నిర్మాణ పనులు జరుగుతున్నాయని రాష్ట్ర పురపాలక మంత్రి పి.నారాయణ అన్నారు. స్థానిక ఏపీసీఆర్‌డీఏ కార్యాలయంలో శుక్రవారం విలేఖరులతో ఆయన మాట్లాడారు. ఇప్పటికే ప్రారంభమైన ప్రభుత్వ అధికార్ల, ఉద్యోగులకు చెందిన 3,840 నివాస ఫ్లాట్లు డిసెంబర్ 31నాటికి పూర్తవుతాయన్నారు.

ఒంగోలు: రాష్ట్రంలో వనం -మనం కార్యక్రమంలో ఉద్యమస్ఫూర్తితో మొక్కలు నాటాలని రాష్ట్ర అటవీ శాఖమంత్రి శిద్దా రాఘవరావు పిలుపునిచ్చారు. శుక్రవారం ఒంగోలులోని కలెక్టరేట్‌నుండి రాష్ట్ర అటవీశాఖమంత్రి మంత్రి శిద్దా రాఘవరావువనం -మనం కార్యక్రమంపై రాష్ట్ర అటవీశాఖ, అనుబంధ శాఖల అధికారులతో వీడియోకాన్పరెన్స్ నిర్వహించారు.