విజయవాడ, మే 18: పది లక్షల మంది ఉద్యోగ, ఉపాధ్యాయ, కార్మిక పెన్షనర్లకు ప్రయోజనాలను చేకూర్చేలా ప్రభుత్వం 11వ వేతన సవరణ కమిషన్ (పీఆర్సీ)ను నియమిస్తూ శుక్రవారం జీవో జారీ చేసింది. దీనిపై ఏపీ జెఏసీ అమరావతి చైర్మన్ బొప్పరాజు సంతోషం వ్యక్తం చేస్తూ ముఖ్యమంత్రి నారా చంద్రబాబునాయుడు, ప్రభుత్వ ప్రధాన కార్యదర్శి దినేష్‌కుమార్‌కు హృదయపూర్వక ధన్యవాదాలు తెలిపారు.

వలేటివారిపాలెం : పోలవరం రాష్ట్ర ప్రజల జీవనాడీ అని ఎవరు ఎన్ని అడ్డంకులు సృష్టించినా ప్రాజెక్టు కట్టి రైతులకు నీరిస్తామని ఆంధ్రప్రదేశ్ ముఖ్యమంత్రి నారా చంద్రబాబు నాయుడు అన్నారు. ప్రకాశం జిల్లా వలేటివారిపాలెం మండలంలో పోకూరు గ్రామంలో నీరు- ప్రగతి కార్యక్రమానికి విచ్చేసిన చంద్రబాబు మాట్లాడుతూ రైతుకు గిట్టుబాటు ధర కల్పించేందుకు ప్రభుత్వం అహర్నిశలు కృషి చేస్తుందని అన్నారు.

ప్రొద్దుటూరు, మే 17: పంటలకు గిట్టుబాటు ధర కల్పించాలని, నేరుగా రైతుల ఖాతాల్లో జమచేయాలని కోరుతూ కడప జిల్లా ప్రొద్దుటూరులో గురువారం రైతులు ట్రాక్టర్లతో భారీ ర్యాలీ నిర్వహించారు. ఇంతలో ఓ రైతు శివాలయం గోపురంపైకి చేరుకుని ఆత్మహత్య చేసుకుంటానని బెదిరించాడు. దీంతో పోలీసులు రంగంలోకి రైతును కిందికి దించారు. ప్రొద్దుటూరు నియోజకవర్గం నుంచి రైతులు పెద్దసంఖ్యలో ట్రాక్టర్లతో తరలివచ్చి ఆందోళనలో పాల్గొన్నారు.

విజయవాడ, మే 17: రాష్ట్రంలోని లక్షా 84వేల మంది కాంట్రిబ్యూటరీ పెన్షన్ స్కీమ్(సీపీఎస్) పరిధిలోని ఉపాధ్యాయ, ఉద్యోగ, కార్మికుల గోడును ప్రభుత్వం ఏ మాత్రం పట్టించుకోకపోవటం పట్ల వారిలో అసంతృప్తి పెరుగుతోంది. వేసవిలో సైతం వీరంతా సీపీఎస్ ఎంప్లారుూస్ అసోసియేషన్ ఆధ్వర్యంలో పలు దశల్లో పలు రకాల ఉద్యమాలు సాగిస్తూ వచ్చారు.