చిత్తూరు, ఏప్రిల్ 23: జిల్లాలో వివిధ కేసుల కింద స్వాధీనం చేసుకుని పోలీసుస్టేషన్లలో శిథిలావస్థకు చేరుకున్న 607 నాటు తుపాకులను సోమవారం చిత్తూరులోని పోలీస్ మైదానంలో పోలీస్ అధికారులు రోడ్డు రోల్లరుతో తొక్కించి ధ్వంసం చేశారు.

కర్నూలు, ఏప్రిల్ 23: దేశ జనాభా ఇబ్బడి ముబ్బడిగా పెరుగుతోందన్న ఆందోళనలో కట్టడి చేసేందుకు దేశవ్యాప్తంగా చేపట్టిన కార్యక్రమం ఇప్పుడు దక్షిణాది రాష్ట్రాలకు శాపంగా పరిణమించింది. జనాభా తగ్గుదల కారణంగా కేంద్రం నుంచి ఆర్థిక సంఘం ద్వారా రావాల్సిన నిధుల వాటాలో దక్షిణాది రాష్ట్రాలు గణనీయంగా నష్టపోతున్నాయని ఆర్థిక రంగ నిపుణులు స్పష్టం చేస్తున్నారు.

విజయవాడ, ఏప్రిల్ 23: ఈనెల 1వ తేదీ నుంచి ముఖ్యమంత్రి ప్రారంభించిన సీఎఫ్‌ఎంఎస్ విధానం మొత్తంపై గందరగోళంగా తయారైంది. ఏప్రిల్ 1వ తేదీ తరువాత రిటైరైన వారికి ఈరోజు పెన్షన్ అందలేదు. దానికి కారణం గతంలో వారు ఉద్యోగంలో ఉన్నప్పుడు వారికున్న ఐడీ నెంబర్, ఇతర వివరాలు సిస్టమ్‌లో డిలీట్ కాకపోవటం, కొత్తగా ఐడీ నెంబరు క్రియేట్ కాకపోవటం వలన పెన్షన్ పేమెంట్ చేయటానికి వీలు లేకుండా ఉంది.

విజయవాడ, ఏప్రిల్ 23: కర్నూలు జిల్లాలో మంత్రి అఖిలప్రియ, టీడీపీ సీనియర్ నేత ఏవీ సుబ్బారెడ్డి మధ్య నెలకొన్న విభేదాలు తెలుగుదేశం అధిష్ఠానానికి తలనొప్పిగా పరిణమిస్తున్నాయి. గతంలో ఇరువర్గాల మధ్య రాజీ ప్రయత్నంతో విభేదాలు సద్దుమణిగినప్పటికీ, ఆళ్లగడ్డ ఘటనతో పరిస్థితి మళ్లీ మొదటికి వచ్చింది. ఆళ్లగడ్డలో ఆదివారం జరిగిన ఘటనపై ముఖ్యమంత్రి చంద్రబాబు నాయుడు తీవ్ర ఆగ్రహం వ్యక్తం చేశారు.