ముంబయి: స్టాక్‌మార్కెట్లు ఈరోజు దూసుకుపోయాయి. ఎగ్జిట్‌పోల్స్ ఎన్డీఏకు పట్టం కట్టడంతో స్టాక్‌మార్కెట్లు దూసుకువెళ్లాయి. సెనె్సక్స్ ఏకంగా 900 పాయింట్లు పైకి ఎగబాకింది. డాలర్‌తో రూపాయి మారకం విలువ సైతం అమాతం 70 పైసల వరకు పుంజుకుంది. ట్రేడింగ్ ఆరంభంలోనే 962 పాయింట్ల మేర ఎగసిన బీఎస్ఈ సెన్సెక్స్ 1,434 పాయింట్లు లాభపడి 39,365 వద్ద, నిఫ్టీ 422 పాయింట్లు లాభపడి 11,830 వద్ద ముగిశాయి.

న్యూఢిల్లీ: వచ్చే ఎనిమిదేళ్లలో తమ సంస్థ దేశం వెలుపల అంతర్జాతీయంగా వాణిజ్య కార్యకలాపాలు నిర్వహించే మూడు ప్రధాన దేశాల్లో భారత్‌కూడా ఒకటని జపాన్‌కు చెందిన బహుళజాతి సంస్థ ‘ఎల్‌ఐఎక్స్‌ఐఎల్’ ఆదివారం నాడిక్కడ ప్రకటించింది. ప్రధానంగా వాటర్ టెక్నాలజీ వాణిజ్యాన్ని విస్తరించాలని తమ సంస్థ నిర్ణయించిందని, ప్రీ ఫ్యాబ్రికేటెడ్ స్నాన గదుల వంటి ప్రత్యేక నిర్మాణాలు చేపడతామని సంబంధింత అధికారి ఒకరు తెలిపారు.

న్యూఢిల్లీ: ప్రాంతీయ సమగ్ర ఆర్థిక భాగస్వామ్యం (ఆర్‌ఈసీపీ)లో సభ్యత్వం కలిగిన 11 దేశాలతో వాణిజ్యం విషయంలో భారత్ వెనుకబడిపోతోంది. 2018- 19 ఆర్థిక సంవత్సర గణాంకాలు ఈవిషయాన్ని స్పష్టం చేస్తున్నాయి. 2012 నవంబర్ నుంచి చైనా, దక్షిణ కొరియా, ఆస్ట్రేలియా దేశాలతో కలుపుకుని మొత్తం 16 దేశాలు గ్రూపుగా ఏర్పడి మెగా వాణిజ్య ఒప్పందాలపై ఆర్‌సీఈపీ వేదికగా సంప్రదింపులు సాగిస్తున్నాయి.

షాద్‌నగర్ రూరల్, మే 19: సాధారణంగా ఉత్పత్తి పెరిగితే.. వాటి ధరలు తగ్గుముఖం పడుతాయి. షాద్‌నగర్‌లో నియోజకవర్గంలో కోడిగుడ్ల ఉత్పత్తి పెరిగినా..వాటి ధరలు కూడా రోజురోజుకూ పెరిగిపోతున్నాయి. పెరుగుతున్న కోడిగుడ్ల వినియోగాన్ని దృష్టిలో పెట్టుకొని వ్యాపారులు సిండికేట్‌గా మారి ఉన్న రేటుకు రెండింతలు చేసి విక్రయిస్తున్నారు.