ముంబయి, జనవరి 26: రియల్ ఎస్టేట్ ప్రాజెక్టుల వాటాలను జాయింట్ డెవలప్‌మెంట్ (జెడీ) విధానంతో ఆరంభించడంతో ఇటీవల కొనే్నళ్లుగా ప్రగతిపథంలో ఉన్న నిర్మాణ రంగం ప్రస్తుతం జీఎస్టీ కారణంగా సవాళ్లను ఎదుర్కొంటోంది. వస్తు సేవల పన్ను (జీఎస్టీ)ని జాయింట్ డెవలప్‌మెంట్ ప్రాజెక్టులపై విధించిన కారణంగా ఇయర్ ఆన్ ఇయర్ ప్రాతిపదికన జరిగే అభివృద్ధి తిరోగమనంలో పడిందని రేటింగ్స్ ఏజెన్సీ ఇక్రా నివేదిక వెల్లడించింది.

న్యూఢిల్లీ, జనవరి 26: ప్రభుత్వానికి పన్ను చెల్లించాలన్న డిమాండ్‌తో మైండ్‌ట్రీలో వీజీ సిద్ధార్ధ, కాఫీ డే ఎంటర్‌ప్రైజెస్ లిమిటెడ్ సంస్థలకు చెందిన కొన్ని వాటాలను ఐటీ శాఖ స్తంభింపజేసింది. ఐటీ శాఖ తీసుకున్న తాజా నిర్ణయం బెంగళూరు కేంద్రంగా గల కేఫ్ కాఫీ డే వ్యవస్థాపకులపై తీవ్ర ప్రభావం చూపనుంది. మైండ్‌ట్రీలో వీజీ సిద్ధార్ధకు 21 శాతం వాటాలు ఉన్నాయి.

స్టాక్ మార్కెట్ శుక్రవారం ఆశాజనకంగానే మొదలైంది. మధ్యాహ్నం వరకూ లాభాల్లోనే కొనసాగింది. కానీ, ద్వితీయార్ధంలో అమ్మకాల ఒత్తిళ్లు పెరగడంతో నష్టాలు తప్పలేదు. సెనె్సక్స్ అత్యధికంగా 36,474.48 పాయింట్లు, అత్యల్పంగా 35,953.15 పాయింట్లు నమోదయ్యాయి. చివరి క్షణాల్లో కొంత వరకూ మెరుగుపడడంతో, చివరికి 36,025.54 పాయింట్ల వద్ద సెనె్సక్స్‌కు తెరపడింది.

న్యూఢిల్లీ, జనవరి 25: మారుతీ సుజుకీ ఇండియా హర్యానాలో ‘జిమ్’ పేరిట సరికొత్త తయారీ శిక్షణ కేంద్రాన్ని ఏర్పాటు చేయనుంది. ‘జపనీస్ ఇండియా ఇన్‌స్టిట్యూట్ ఫర్ మేనేజ్‌మెంట్ (జిమ్) పేరిట ఏర్పాటు కానున్న ఈ యూనిట్‌కోసం మారుతీ సుజుకీ ఇండియా, హర్యానా రాష్ట్రాల మధ్య గురువారం ఒప్పందం కుదిరింది. ఇందులో 500 మంది యువకులకు శిక్షణను ఇస్తారు.