గుంటూరు, జనవరి 21: భారత్ నుండి నాణ్యమైన పొగాకు ఉత్పత్తులు ఎగుమతి చేసేందుకు చైనాతో ఒప్పందం కుదిరింది. సోమవారం చైనా రాజధాని బీజింగ్‌లో భారత్ వాణిజ్య విభాగం కార్యదర్శి డాక్టర్ అనూప్ వాద్వాన్ తన బృందంతో అక్కడి వాణిజ్య శాఖ ఉప మంత్రి జాంగ్ జివెన్‌తో చర్చలు జరిపారు. వ్యవసాయ, అనుబంధ ఉత్పత్తుల ఎగుమతి, దిగుమతుల అంశాలపై సుదీర్ఘంగా చర్చించిన అనంతరం పొగాకును దిగుమతి చేసుకునేందుకు ఒప్పందం కుదిరింది.

దావోస్, జనవరి 21: దేశంలో ఒక పక్క ధనవంతులు మరింత కుబేరులు అవుతుండగా, పేదవాళ్లు పేదవారిగానే మిగిలిపోతున్నారు. పేద-ధనిక వర్గాల మధ్య అంతరం రోజురోజుకూ ఎక్కువైపోతోందని ఇది సమాజానికి ప్రమాదకర ధోరణి అని హెచ్చరిస్తోంది ఆక్స్‌ఫామ్ స్టడీ నివేదిక. భారత్ దేశంలో కేవలం తొమ్మిది మంది అతి ధనవంతుల సంపద అట్టడుగు వర్గాలకు చెందిన 50 శాతం ప్రజల ఆదాయంతో సమానంగా ఉందని ఆక్స్‌ఫామ్ నివేదిక సోమవారం వెల్లడించింది.

విజయవాడ, జనవరి 21: పెథాయ్ తుపాను కారణంగా నష్టపోయిన రైతులను ఆదుకునేందుకు రాష్ట్ర ప్రభుత్వం ముందుకు వచ్చింది. తడిసిన, రంగు మారిన ధాన్యాన్ని టన్నుకు 1550 రూపాయల చొప్పున పౌర సరఫరాల సంస్థ కొనుగోలు చేసేందుకు వీలుగా రాష్ట్ర ప్రభుత్వం సోమవారం ఉత్తర్వులు జారీ చేసింది.

ముంబయలో సోమవారం ఐడీబీఐ ఫెడరల్ లైఫ్ ఇన్సూరెన్స్ ప్రారంభోత్సవం సందర్భంగా నిర్వహించిన
ఆటల పోటీల్లో గెలుపొందిన చిన్నారులతో భారత జాతీయ బాడ్మింటన్ చీఫ్ కోచ్ పుల్లెల గోపీచంద్