ముంబయి, డిసెంబర్ 2: డిజిటల్ లావాదేవీలను ప్రోత్సహించే ఉద్దేశంతో ఎల్‌ఐసీ వినియోగదారులకు మరింత వెసులుబాటు కల్పించింది. క్రెడిట్ కార్డుతో జరిపే చెల్లింపులపై ఛార్జీలను తొలగిస్తున్నట్లు ప్రకటించింది. ప్రిమీయం రెన్యూవల్, కొత్త ప్రిమీయం, లేదా రుణాల చెల్లింపు, వడ్డీల చెల్లింపులను క్రెడిట్ కార్డులతో చేస్తే సర్వీసు ఛార్జీలు ఉండవని తెలిపింది.

అమరావతి: దేశవ్యాప్తంగా ఉల్లి కొరతను అధిగమించేందుకు విదేశాల నుంచి దిగుమతి చేసుకుంటున్నట్లు కేంద్ర కేబినెట్ కార్యదర్శి రాజీవ్ గౌబ వెల్లడించారు. దిగుమతులతో పాటు స్థానికంగా లభ్యమయ్యే ఉల్లిని కొనుగోలు చేసి పంపిణీ పాయింట్లు, రైతు బజార్ల ద్వారా ప్రజలకు సరసమైన ధరల్లో అందించేందుకు చర్యలు తీసుకోవాలని రాష్ట్రాలకు సూచించారు.

న్యూఢిల్లీ, నవంబర్ 1: టెలికాం రంగంలో నాలుగేళ్ల తర్వాత తొలిసారిగా మొబైల్ కాల్ రేట్లను వొడాఫోన్ ఐడియా మంగళవారం (3వ తేదీ) నుంచి పెంచనుంది. ఈమేరకు ప్రీ పెయిడ్ సేవలకు 42 శాతం అదనంగా కాల్ డేటా చార్టీలను పెంచుతున్నట్టు ఆ కంపెనీ ఆదివారం నాడిక్కడ ప్రకటించింది. అలాగే ఇతర నెట్‌వర్క్‌లకు చేసే ఔట్ గోయింగ్ కాల్స్‌పై నిమిషానికి 6 పైసల వంతున చార్జి చేయడం జరుగుతుందని తెలిపింది.

న్యూఢిల్లీ, డిసెంబర్ 1: మూడు నెలల తర్వాత తాజాగా వస్తు సేవల పన్ను (జీఎస్టీ) వసూళ్లు ఊపందుకున్నాయి. గడచిన నవంబర్‌లో ఈ వసూళ్లు 6 శాతం పెరిగి లక్ష కోట్ల రూపాయల మార్కును దాటాయి. దేశ వ్యాప్తంగా మొత్తం 1.03 లక్షల కోట్లు వసూలయ్యాయని, ఇటీవలి పండుగ సీజన్ ఇందుకు ప్రధానంగా దోహదం చేసిందని సంబంధిత అధికార వర్గాలు తెలిపాయి. గత ఏడాది ఇదే నెలలో రూ. 97.637 కోట్లు వసూలయ్యాయి.