న్యూఢిల్లీ, నవంబర్ 27: టెలికాం నియంత్రణ సంస్థ ట్రాయ్ చైర్మన్ ఆర్‌ఎస్ శర్మ బుధవారం టెలికాం రంగానికి చెందిన వివిధ కంపెనీల ఉన్నతాధికారులతో సమావేశమయ్యారు. టెలికాం రంగంలో కల్లోలం నెలకొన్న క్రమంలో ఈ సమావేశం ప్రాధాన్యతను సంతరించుకుంది. వొడాఫోన్ ఐడియా నుంచి ఆ సంస్థ సీఈవో ఈ సమావేశానికి హాజరయ్యారు.

న్యూఢిల్లీ, నవంబర్ 27: ఎస్సెల్ గ్రూప్ నుంచి రూ. 167 కోట్ల ఆర్థిక చేయూతను అందుకున్న హెచ్‌డీఎఫ్‌సీ ఆస్తుల నిర్వహణ కంపెనీ (హెచ్‌డీఎఫ్‌సీ ఏఎంసీ) వాటాలు బుధవారం ఒక శాతానికి పైగా లాభపడ్డాయి. అలాగే అంతర్జాతీయంగా పేరెన్నికగన్న సూచీ నిర్వహణ సంస్థ ఎంఎస్‌సీఐ సైతం తమ కంపెనీ భారత విభాగంలో హెచ్‌డీఎఫ్‌సీ ఏఎంసీకి చోటు కల్పిస్తున్నట్టు ప్రకటించడం సానుకూలంగా మారింది.

న్యూఢిల్లీ, నవంబర్ 26: బంగా రు ధరలు మంగళవారం స్వల్పంగా తగ్గాయి. దేశ రాజధాని ఢిల్లీలో 10 గ్రాముల బంగారంపై రూ. 68 తగ్గి మొత్తం ధర 38,547కు చేరింది. ఇందుకు ప్రధాన కారణం రూపా యి మారకం విలువ పెరగడమేనని వాణిజ్య వర్గాలు తెలిపాయి. అమెరికన్ డాలర్‌తో పోలిస్తే స్పాట్ రూపాయి మారకం విలువ ఇంట్రాడేలో 16 పైసలు బలపడిందని సీనియర్ విశే్లషకుడు తపన్ పటేల్ తెలిపారు.

న్యూఢిల్లీ, నవంబర్ 26: ఎస్‌బీఐ కార్డ్, విమానయాన సంస్థ ‘విస్టారా’ సంయుక్తంగా మంగళవారం రెండు ప్రీమియం కోబ్రాండెడ్ క్రెడిట్ కార్డులను విడుదల చేశాయి. ప్రయాణికులు ఉచితంగా టికెట్ రద్దు చేసుకునేందుకు, కావలసిన భాషను ఎంపిక చేసుకునేందుకు ఉపయుక్తంగా ఉండే ఈ కార్డులు అదనపుఫ్రీక్వెంట్ ఫ్లైయర్ పాయింట్ల సదుపాయాలతో ఉంటాయని నిర్వాహకులు ఓ ప్రకటనలో తెలిపారు.