న్యూఢిల్లీ, నవంబర్ 24: ఉల్లి ‘ఘాటు’తో ఉక్కిరి బిక్కిరి అవుతున్న సామాన్య, మధ్య తరగతి ప్రజలను ఇప్పుడు టమోటా ధరలు కూడా వెక్కిరిస్తున్నాయి. సరఫరాలు తగ్గడంతో ప్రస్తుతం న్యూఢిల్లీలో కిలో టమోటా ధర 80 రూపాయలకు పెరిగింది. దేశంలోని ఇతర ప్రాంతాల్లో కూడా టమోటా ధరలు దాదాపు ఇదేవిధంగా ఉన్నాయి.

ముంబయి, నవంబర్ 24: విదేశీ కరెన్సీ ఆస్తులు వృద్ధి చెందడంతో దేశంలో విదేశీ మారకద్రవ్య (్ఫరెక్స్) నిల్వలు ఈ నెల 17వ తేదీతో ముగిసిన వారంలో 240.4 మిలియన్ డాలర్లు పెరిగి 399.533 బిలియన్ డాలర్లకు చేరుకున్నాయి. రిజర్వు బ్యాంకు (ఆర్‌బీఐ) శుక్రవారం వెల్లడించిన తాజా గణాంకాలు ఈ విషయాన్ని స్పష్టం చేస్తున్నాయి. అంతకుముందు వారంలో ఈ నిల్వలు 554.2 మిలియన్ డాలర్లు పెరిగి 399.293 డాలర్లకు చేరుకున్నాయి.

హైదరాబాద్, నవంబర్ 24: మేలైన పంటల విత్తనాలను ధృవీకరించి వాటిని విదేశాలకు ఎగుమతి చేసేందుకు ఐరోపా యూనియన్ తరహాలో పలు ఆసియా దేశాలతో విత్తన ఎగుమతి యూనియన్ ఏర్పాటు చేయాలని నిర్ణయించినట్లు తెలంగాణ వ్యవసాయ శాఖ కార్యదర్శి సి.పార్థసారథి అన్నారు. ఏకీకృత నియమాలతో ఒకే తరహా విత్తన ప్రయోగశాలను ఏర్పాటు చేసి అంతర్జాతీయ విత్తన పరీక్ష సమాఖ్య ప్రమాణాలకు అనుగుణంగా అప్‌గ్రేడ్ చేయాలని కూడా సూచించినట్లు తెలిపారు.

న్యూఢిల్లీ, నవంబర్ 23: సహారా గ్రూపునకు చెందిన అంబీ వ్యాలీ ఆస్తులను వేలం వేసే విషయంలో బాంబే హైకోర్టు నియమించిన అధికారిక లిక్విడేటర్‌కు సహాయాన్ని అందించాలని సుప్రీం కోర్టు గురువారం బాంబే హైకోర్టు అధికారిక రిసీవర్‌ను ఆదేశించింది.