భీమవరం, అక్టోబర్ 13: దక్షిణ భారతదేశంలో ఎంతో ఖ్యాతిని ఆర్జించిన అంజనీ గ్రూపు సంస్థ, ఉత్తర భారత దేశంలో ప్రాచుర్యం పొందిన సెరా శానిటరీ లిమిటెడ్‌తో సంయుక్తంగా పనిచేయడానికి ఒప్పందం కుదుర్చుకుంది. రాష్ట్రంలో నెల్లూరు, గూడూరు ప్రాంతాల్లో టైల్స్ ఉత్పత్తి యూనిట్లు నెలకొల్పాలని ఇరు సంస్థలు నిర్ణయించాయి. అంజనీ గ్రూపునకు చెందిన కెవి విష్ణురాజును సెరా శానిటరీ లిమిటెడ్ ఛైర్మన్‌గా ప్రకటించింది.

న్యూఢిల్లీ, అక్టోబర్ 13: ప్రపంచ వాణిజ్యంలో వర్థమాన దేశాల భాగస్వామ్యాన్ని పెంపొందించుకునేందుకు పనే్నతర అవరోధాలను తొలగించుకోవడంతో పాటు ఇ-కామర్స్ రంగంలో సభ్య దేశాల మధ్య సహకారాన్ని పెంపొందించుకోవాల్సిన అవసరం ఉందని గురువారం న్యూఢిల్లీలో జరిగిన సమావేశంలో బ్రిక్స్ (బ్రెజిల్, రష్యా, ఇండియా, చైనా, దక్షిణాఫ్రికా) దేశాల వాణిజ్య మంత్రులు ఉద్ఘాటించారు.

న్యూఢిల్లీ, అక్టోబర్ 13: దీపావళి పండగ సీజన్‌తో పాటుగా పెళ్లిళ్ల సీజన్ దగ్గర పడుతుండడంతో గత కొద్ది రోజులుగా తగ్గుతూ వచ్చిన బంగారం ధరలు మళ్లీ పుంజుకుంటున్నాయి. ఆభరణాల తయారీదారులనుంచి డిమాండ్ పెరగడంతో గురువారం ఒక్కరోజే బంగారం ధర పది గ్రాములకు 250 రూపాయలు పెరిగింది. అంతర్జాతీయ మార్కెట్ల ప్రభావంతో దేశీయ మార్కెట్లలో కొనుగోళ్లు పెరుగుతున్నట్లు మార్కెట్ వర్గాలు అంటున్నాయి.

న్యూఢిల్లీ, అక్టోబర్ 12: స్టాక్స్‌పై పెట్టుబడుల కంటే బంగారం, వెండిపై పెట్టిన పెట్టుబడులే మదుపరులకు అధిక లాభాలను తెచ్చిపెడుతున్నాయి. ఈ ఏడాదిలో ఇప్పటిదాకా పసిడి, వెండి పెట్టుబడులు మదుపరులకు 28 శాతం వరకు లాభాలను తెస్తే, స్టాక్స్‌పై పెట్టిన పెట్టుబడుల లాభాలు 8 శాతానికే పరిమితమయ్యాయి మరి. పుత్తడి ధర ఈ ఏడాది ఆరంభం నుంచి అక్టోబర్ 10 వరకు గమనిస్తే 19.77 శాతం పెరిగింది.